పంచ కళ్యాణి తీసుకొచ్చా..

విజయ్‌ దేవరకొండ కథానాయకుడిగా నటిస్తున్న తాజా చిత్రం ‘ఫ్యామిలీ స్టార్‌'. పరశురామ్‌ దర్శకుడు. శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్నారు.

విజయ్‌ దేవరకొండ కథానాయకుడిగా నటిస్తున్న తాజా చిత్రం ‘ఫ్యామిలీ స్టార్‌’. పరశురామ్‌ దర్శకుడు. శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్నారు. మృణాల్‌ ఠాకూర్‌ కథానాయిక. ఏప్రిల్‌ 5న తెలుగు, తమిళం, హిందీ భాషల్లో విడుదల కానుంది. మంగళవారం ఈ సినిమా నుంచి ‘కల్యాణి వచ్చా వచ్చా..’ అనే రెండో గీతాన్ని విడుదల చేశారు.

పెళ్లి నేపథ్యంలో వచ్చే ఈ పాటను అనంత శ్రీరామ్‌ రచించగా.. మంగ్లీ, కార్తీక్‌ ఆలపించారు. గోపీసుందర్‌ స్వరాలను అందించారు. ‘కల్యాణి వచ్చా వచ్చా..పంచ కల్యాణి తెచ్చా తెచ్చా..సింగారీ చెయ్యందించా.. ఏనుగంబారీ సిద్ధంగుంచా..’ అంటూ పెళ్లి సందడికి అద్దం పడుతూ సాగిందీ గీతం. పెళ్లి నేపథ్యంలో ఈ పాట సినిమాలో ప్రధానాకర్షణగా నిలుస్తుందని చిత్ర బృందం పేర్కొంది. ఈ చిత్రానికి కెమెరా: కేయూ మోహనన్‌, సంగీతం: గోపీసుందర్‌, ఆర్ట్‌: ఏ.ఎస్‌.ప్రకాష్‌, రచన-దర్శకత్వం: పరశురామ్‌ పెట్ల.