Vijay Deverakonda | ఫ్యామిలీ స్టార్ గా వస్తున్న రౌడీ హీరో..

అగ్ర హీరో విజయ్‌ దేవరకొండ కెరీర్‌లో ‘గీత గోవిందం’ చిత్రం ప్రత్యేకంగా నిలిచిపోయింది. ఆయనకు ఫ్యామిలీ ఆడియెన్స్‌లో మంచి ఫాలోయింగ్‌ను తెచ్చిపెట్టింది. పరశురామ్‌ దర్శకత్వం వహించిన ఈ చిత్రం ఫీల్‌గుడ్‌ రొమాంటిక్‌ ఎంటర్‌టైనర్‌గా మెప్పించింది.

Vijay Deverakonda | అగ్ర హీరో విజయ్‌ దేవరకొండ కెరీర్‌లో ‘గీత గోవిందం’ చిత్రం ప్రత్యేకంగా నిలిచిపోయింది. ఆయనకు ఫ్యామిలీ ఆడియెన్స్‌లో మంచి ఫాలోయింగ్‌ను తెచ్చిపెట్టింది. పరశురామ్‌ దర్శకత్వం వహించిన ఈ చిత్రం ఫీల్‌గుడ్‌ రొమాంటిక్‌ ఎంటర్‌టైనర్‌గా మెప్పించింది. విజయ్‌ దేవరకొండ-పరశురామ్‌ కాంబినేషన్‌లో రూపొందిస్తున్న తాజా చిత్రం ఇటీవలే లాంఛనంగా ప్రారంభమైన విషయం తెలిసిందే.

దిల్‌ రాజు నిర్మిస్తున్నారు. మృణాల్‌ ఠాకూర్‌ కథానాయిక. త్వరలో చిత్రీకరణ మొదలు కానుంది. ఈ చిత్రానికి ‘ఫ్యామిలీ స్టార్‌’ అనే టైటిల్‌ పరిశీలనలో ఉన్నట్లు తెలిసింది. కథానుగుణంగా ఈ టైటిల్‌ బాగుంటుందనేది చిత్రబృందం ఆలోచనగా చెబుతున్నారు. అయితే ఈ విషయమై అధికారిక ప్రకటన రావాల్సి ఉంది. ఈ చిత్రానికి గోపీసుందర్‌ సంగీతాన్నందిస్తున్నారు.