Mahesh Babu | చాలా బాధ కలిగించాయి.. కొండా సురేఖ కామెంట్స్ పై మహేశ్ బాబు

Mahesh Babu | టాలీవుడ్‌ నటి సమంతపై మంత్రి కొండా సురేఖ (Minister Konda Surekha) చేసిన వ్యాఖ్యలు సినీ, రాజకీయ వర్గాల్లో తీవ్ర దుమారం రేపుతున్న విషయం తెలిసిందే. ఇప్పటికే సినీ ఇండస్ట్రీ నుంచి స్టార్ సెలబ్రిటీలు సమంతకు మద్దతుగా నిలిచారు. తాజాగా మహేశ బాబు (Mahesh Babu) తన స్పందన తెలియజేశాడు.

October 3, 2024 / 03:47 PM IST

Mahesh Babu | చాలా బాధ కలిగించాయి.. కొండా సురేఖ కామెంట్స్ పై మహేశ్ బాబు

Mahesh Babu | టాలీవుడ్‌ నటి సమంతపై మంత్రి కొండా సురేఖ (Minister Konda Surekha) చేసిన వ్యాఖ్యలు సినీ, రాజకీయ వర్గాల్లో తీవ్ర దుమారం రేపుతున్న విషయం తెలిసిందే. నాగచైతన్య, సమంత విడాకులపై కొండా సురేఖ మాట్లాడిన తీరు పట్ల సర్వత్రా విమర్శలు వ్యక్తమవుతున్నాయి. ఇప్పటికే సినీ ఇండస్ట్రీ నుంచి స్టార్ సెలబ్రిటీలు సమంతకు మద్దతుగా నిలిచారు. ఈ కామెంట్స్‌ను చిరంజీవి, నాని, వెంకటేశ్‌, మంచు లక్ష్మి, సుధీర్ బాబు, శ్రీకాంత్‌ ఓదెలతోపాటు పలువురు తీవ్రంగా ఖండించారు.

తాజాగా మహేశ బాబు (Mahesh Babu) తన స్పందన తెలియజేశాడు. మంత్రి కొండా సురేఖగారు మా సినీ ప్రముఖులపై చేసిన వ్యాఖ్యలు చాలా బాధ కలిగించాయి. ఓ మహిళా మంత్రి మరో మహిళపై చేసిన ఆమోదయోగ్యంకాని వ్యాఖ్యలు, భాష పట్ల ఓ కూతురి తండ్రిగా, భార్యకు భర్తగా, తల్లికి కొడుకుగా.. తీవ్ర వేదనకు గురయ్యాను. ఎదుటివారి మనోభావాలను దెబ్బతీయనంత వరకు వాక్‌ స్వాతంత్య్ర స్వేచ్ఛను ఉపయోగించుకోవచ్చు.

సినీ పరిశ్రమ వ్యక్తులను సాఫ్ట్ టార్గెట్‌గా మార్చుకోవద్దని పబ్లిక్ డొమైన్‌లో ఉన్న వ్యక్తులను అభ్యర్థిస్తున్నా. మంత్రి చేసిన చౌకబారు, నిరాధారమైన వ్యాఖ్యలను నేను తీవ్రంగా ఖండిస్తున్నా. మన దేశంలోని మహిళలను మన సినీ సోదరులను చాలా గౌరవమర్యాదలతో చూడాలని ట్వీట్ చేశాడు మహేశ్ బాబు.

Extremely pained by the comments made by Minister Konda Surekha garu on fellow members of our film fraternity. As a father of a daughter, as a husband to a wife and as son to a mother… I am deeply anguished by the unacceptable remarks and language used by a woman minister on…

— Mahesh Babu (@urstrulyMahesh) October 3, 2024