తెలుగు చిత్రసీమలో ‘అర్జున్రెడ్డి’ చిత్రం సృష్టించిన సంచలనం అంతా ఇంతా కాదు. కల్ట్ మూవీగా ప్రేక్షకుల్ని ఆకట్టుకుంది. విజయ్ దేవరకొండకు తిరుగులేని స్టార్డమ్ను తీసుకురావడంతో పాటు దర్శకుడు సందీప్ రెడ్డి వంగాను స్టార్ డైరెక్టర్ను చేసింది. ఈ సినిమా బాలీవుడ్లో ‘కబీర్సింగ్’ పేరుతో రీమేక్ అయిన విషయం తెలిసిందే. షాహిద్కపూర్ హీరోగా నటించారు. తన కెరీర్లో బ్లాక్బస్టర్ హిట్గా నిలిచిన ఈ చిత్రాన్ని షాహిద్కపూర్ తొలుత తిరస్కరించాడట. అనంతరం తన భార్య సలహాతో సినిమా చేయడానికి ఒప్పుకున్నాడట. ఈ విషయాన్ని షాహిద్కపూర్ ఓ ఇంటర్వ్యూలో తెలిపారు.
ఆయన మాట్లాడుతూ ‘అసలు అలాంటి పాత్రలో ప్రేక్షకులు నన్ను యాక్సెప్ట్ చేస్తారో లేదో అని సందేహించాను. ఆ కథలోని అంశాలను చూపించడానికి చాలా ధైర్యం కావాలి. కొన్ని నెగెటివ్ అంశాలున్నా ఆ పాత్ర అంటే నాకు చాలా ఇష్టం. దర్శకుడు సందీప్రెడ్డి కథ చెప్పినప్పుడు సున్నితంగా తిరిస్కరించాను. ఆ తర్వాత నా భార్యతో చర్చించినప్పుడు ‘ప్రేమకథా చిత్రాల్లో ప్రేక్షకులు నిన్ను బాగా ఇష్టపడతారు. నీ కెరీర్లో విభిన్న చిత్రమవుతుంది’ అంటూ ప్రోత్సహించింది’ అని చెప్పారు షాహిద్కపూర్. 2019లో హిందీలో విడుదలైన ‘కబీర్సింగ్’ చిత్రం 350కోట్ల వసూళ్లను సాధించింది.