Visit:
Ram Pothineni | టాలీవుడ్ హీరో రామ్ పోతినేని త్వరలో ఒక సరికొత్త అవతారంలో కనిపించబోతున్నారు. ఆయన హీరోగా నటిస్తూ, స్వయంగా కథ-స్క్రీన్ప్లే రాసి, దర్శకత్వం వహిస్తున్న ప్రతిష్టాత్మక చిత్రం ‘రాపో 23’ (RAPO23). ఈ సినిమాపై ఇప్పటికే ప్రేక్షకుల్లో భారీ అంచనాలు ఉన్నాయి. అయితే ఇప్పుడు ఈ ప్రాజెక్ట్లోకి జాతీయ అవార్డు గ్రహీత, ప్రముఖ సినిమాటోగ్రాఫర్ (కెమెరామెన్) తిరు అధికారికంగా ఎంట్రీ ఇచ్చారు. గతంలో ఆయన ‘క్రిష్ 3’, ‘జనతా గ్యారేజ్’, ‘గేమ్ ఛేంజర్’ వంటి పెద్ద సినిమాలకు అద్భుతమైన విజువల్స్ అందించారు. ఇప్పుడు రామ్ తెరకెక్కించబోయే ఈ సరికొత్త ‘నియో-నోయిర్’ క్రైమ్ డ్రామాను కూడా తిరు తన కెమెరా మాయాజాలంతో మరింత అందంగా చూపించబోతున్నారు.
రామ్ పోతినేని మార్క్ యాక్షన్, ఎమోషన్స్ ఉన్న ఈ కథను తిరు తన విజువల్స్తో నెక్స్ట్ లెవెల్కు తీసుకెళ్లనున్నారు. ఒకవైపు హీరోగా నటిస్తూనే, మరోవైపు కథ, స్క్రీన్ప్లే, దర్శకత్వం బాధ్యతలను రామ్ ఒక్కడే చూసుకోవడం విశేషం. ఈ సినిమాను ‘రాపో సినిమాటిక్స్’ బ్యానర్పై రామ్ సోదరుడు కృష్ణ పోతినేని భారీ బడ్జెట్తో ఎంతో ప్రతిష్టాత్మకంగా నిర్మిస్తున్నారు. రామ్ మొదటిసారి మెగాఫోన్ పట్టి దర్శకత్వం వహిస్తుండటం, దానికి తోడు తిరు లాంటి స్టార్ టెక్నీషియన్ తోడవడంతో ఈ సినిమాపై టాలీవుడ్లో అంచనాలు ఆకాశాన్ని తాకుతున్నాయి.
