చినుకల్లే జారే మేఘమే..

‘ఈ నగరానికి ఏమైంది’ చిత్రంతో ప్రేక్షకులకు ఎంతో చేరువైన మిత్రబృందం మరోసారి ప్రేక్షకుల్ని అలరించేందుకు సిద్ధమవుతున్నది.

‘ఈ నగరానికి ఏమైంది’ చిత్రంతో ప్రేక్షకులకు ఎంతో చేరువైన మిత్రబృందం మరోసారి ప్రేక్షకుల్ని అలరించేందుకు సిద్ధమవుతున్నది. ఈ సినిమాకు సీక్వెల్‌గా వస్తున్న చిత్రం ‘ఈఎన్‌ఈ రిపీట్‌’ ఈ నెల 19న ప్రేక్షకుల ముందుకురానుంది. తరుణ్‌భాస్కర్‌ దర్శకత్వం వహిస్తున్న ఈ చిత్రంలో విశ్వక్‌సేన్‌, అభినవ్‌ గోమటం, వెంకటేష్‌ కాకుమాను, శ్రీనాథ్‌ మాగంటి ముఖ్య పాత్రధారులు. మంగళవారం ఈ సినిమా నుంచి ‘మిత్వా’ అనే పాటను విడుదల చేశారు.

‘చిరుగాలే చేరే నీలాకాశమే..చినుకల్లే జారే సాగే మేఘమే’ అంటూ స్నేహబంధంలోని అందమైన అనుభూతులకు దర్పణంలా ఈ పాట సాగింది. వివేక్‌సాగర్‌ స్వరపరచిన ఈ పాటను భరద్వాజ్‌ గాలి రచించారు. నకుల్‌ అభ్యంకర్‌, వీణా ఘంటశాల ఆలపించారు. థాయ్‌లాండ్‌ విహార యాత్రలో మిత్రబృందం చేసే హంగామా, సరదాగా గడిపిన క్షణాలను ఆవిష్కరిస్తూ ఈ పాట సాగింది. ఈ చిత్రానికి సంగీతం: వివేక్‌సాగర్‌, నిర్మాతలు: సృజన్‌ యరబోలు, సందీప్‌ నాగిరెడ్డి, రచన-దర్శకత్వం: తరుణ్‌భాస్కర్‌.