EMI Movie | ‘ఈఎంఐ’ తిప్పలు.. మధ్యతరగతి కష్టాలపై నవ్వుల పూలు పూయిస్తున్న సరికొత్త టీజర్!

EMI Movie Teaser | ప్రతి మధ్యతరగతి మనిషి జీవితంలో 'ఈఎంఐ' (Equated Monthly Installments) అనే పదం వినపడగానే గుండెల్లో రైళ్లు పరిగెడతాయి.

EMI Movie Teaser | ప్రతి మధ్యతరగతి మనిషి జీవితంలో ‘ఈఎంఐ’ (Equated Monthly Installments) అనే పదం వినపడగానే గుండెల్లో రైళ్లు పరిగెడతాయి. ప్రతీ నెలా వచ్చే ఆ ఆర్థిక భారం, టెన్షన్ ఎవరికీ రాకూడదనే అంటారు. అయితే, సరిగ్గా ఇదే కాన్సెప్ట్‌ను ఎంచుకుని, ప్రేక్షకులకు కడుపుబ్బా నవ్వులు పంచేందుకు ఓ సరికొత్త ఎంటర్‌టైనర్ సిద్ధమవుతోంది. సక్సెస్‌ఫుల్ మూవీ ‘ది గ్రేట్ ప్రీ-వెడ్డింగ్ షో’ తెరకెక్కించిన 7 PM ప్రొడక్షన్స్ బ్యానర్‌పై ఈ చిత్రం రూపుదిద్దుకుంటోంది. నూతన నటీనటులు, సాంకేతిక నిపుణులను ప్రోత్సహిస్తూ రూపొందుతున్న ఈ సినిమాకు నిఖిల్ కువ్వరపు దర్శకత్వం వహిస్తున్నారు. ‘లాల్ సలామ్’, ‘హాస్టల్ డేస్’ వంటి ప్రాజెక్ట్‌లతో గుర్తింపు తెచ్చుకున్న దారహాస్ మాతురు హీరోగా నటిస్తుండగా, ‘లిటిల్ హార్ట్స్’ ఫేమ్ శైలజ నాయికగా అలరించనున్నారు.

తాజాగా విడుదలైన ఈ సినిమా టీజర్ ప్రేక్షకులను విశేషంగా ఆకట్టుకుంటోంది. ఈఎంఐల వల్ల మధ్యతరగతి ప్రజలు పడే పాట్లు, ఆ తాలూకు ఫన్నీ సిట్యుయేషన్స్‌ను ఎంతో రియాలిస్టిక్‌గా, వినోదాత్మకంగా టీజర్‌లో చూపించారు.