Sitaramam Movie | భారీగా ‘సీతారామం’ థియేట్రిక‌ల్ బిజినెస్‌.. బ్రేక్ ఈవెన్ సాధ్య‌మేనా?

Sitaramam Movie Theatrical Business | టాలీవుడ్ మోస్ట్ యాంటిసిపేటెడ్ మూవీస్‌లో ‘సీతారామం’ ఒక‌టి. ఈ మ‌ధ్య కాలంలో ఈ సినిమాకు ఏర్ప‌డిన బ‌జ్ మరేసినిమాకు ఏర్ప‌డ‌లేదు. ఇప్ప‌టికే ఈ చిత్రంపై ప్రేక్ష‌కుల‌లో భారీ అంచ‌నాలు నెల‌కొన్నాయి. ఇక ఇటీవలే విడుద‌లైన ట్రైల‌ర్‌కు ఆ అంచనాలు కాస్త రెట్టింప‌య్యాయి. దుల్క‌ర్ స‌ల్మాన్ ప్ర‌ధాన పాత్ర‌లో న‌టించిన ఈ చిత్రానికి హ‌ను రాఘ‌వ‌పూడీ ద‌ర్శ‌క‌త్వం వ‌హించాడు. ఈ చిత్రం ఆగ‌స్టు 5న గ్రాండ్‌గా విడుద‌ల కానుంది. ఈ క్ర‌మంలో మేక‌ర్స్ వ‌రుస అప్‌డేట్‌ల‌ను ఇస్తున్నారు. ఇప్ప‌టికే ప‌లు మేజ‌ర్‌ సిటీల్లో ప్ర‌మోష‌న్‌ల‌ను జ‌ర‌పుతూ చిత్ర‌బృందం సినిమాపై మంచి బ‌జ్ క్రియేట్ చేశారు. ఇదిలా ఉంటే ఈ చిత్రానికి భారీగా థియేట్రిక‌ల్ బిజినెస్ జ‌రిగింద‌ట‌.

‘సీతారామం’ చిత్రానికి దాదాపు రూ.18.70 కోట్ల వ‌ర‌కు ప్రీ రిలీజ్ బిజినెస్ జ‌రిగిందట‌. అంటే ఈ చిత్రం బాక్సాఫీస్ ద‌గ్గ‌ర క్లీన్ హిట్ అవ్వాలంటే రూ.19.50 కోట్ల వ‌ర‌కు సాధించాల్సి ఉంటుంది. ఈ చిత్రానికి ఉన్న‌క్రేజ్‌కు హిట్ టాక్ వ‌స్తే వారంలోగానే బ్రేక్ ఈవెన్‌ను పూర్తి చేసుకుని బ్లాక్ బ‌స్ట‌ర్ హిట్‌గా నిలుస్తుంద‌ని సినీ విశ్లేష‌కులు అభిప్రాయ ప‌డుతున్నారు. ఈ చిత్రంలో దుల్క‌ర్ లెఫ్టినెంట్ రామ్ పాత్ర‌లో క‌నిపించ‌నున్నాడు. మృనాళ్ థాకూర్ హీరోయిన్‌గా న‌టించిన ఈ చిత్రంలో నేష‌న‌ల్ క్ర‌ష్ ర‌ష్మిక మంద‌న్న కాశ్మీర్ ముస్లిం అమ్మాయిగా కథ‌ను మ‌లుపు తిప్పే పాత్ర‌లో న‌టించింది. ఈ చిత్రాన్ని స్వ‌ప్న సినిమాస్ బ్యాన‌ర్‌పై స్వ‌ప్న ద‌త్ నిర్మించింది.