Visit:
వాస్తవ సంఘటనల ఆధారంగా తెరకెక్కుతున్న ప్రేమకథాచిత్రం ‘డ్రింకర్‌ సాయి’. ‘బ్రాండ్‌ ఆఫ్‌ బ్యాడ్‌ బాయ్స్‌’ అనేది ఉపశీర్షిక. ధర్మ, ఐశ్వర్యశర్మ జంటగా నటిస్తున్నారు. కిరణ్‌ తిరుమలశెట్టి దర్శకుడు. బసవరాజు శ్రీనివాస్‌, ఇస్మాయిల్‌ షేక్‌, బసవరాజు లహరిధర్‌ నిర్మాతలు. ఈ నెల 27న సినిమా విడుదల కానుంది. ప్రమోషన్‌లో భాగంగా శనివారం ఈ సినిమాలోని పాటను విడుదల చేశారు.
‘నువ్వు గుద్దితే ముద్దు పెట్టినట్టున్నదే.. నువ్వు తన్నితే వెన్నె పూసినట్టున్నదే.. నువ్వు రక్కితే చక్కిలిగింత పుడుతున్నదే.. నువ్వు తొక్కితే థాయ్‌ మసాజ్‌ చేసినట్టున్నదే.. ’ అంటూ సాగే ఈ పాటను చంద్రబోస్‌ రాయగా, శ్రీవసంత్‌ స్వరపరిచారు. జెస్సీ గిఫ్ట్‌ ఆలపించారు.
హీరోయిన్‌ని టీజ్‌ చేస్తూ హీరో పాడే ఈ పాట సినిమాలో హైలైట్‌గా నిలుస్తుందని మేకర్స్‌ చెబుతున్నారు. పోసాని కృష్ణమురళి, శ్రీకాంత్‌ అయ్యంగార్‌, సమీర్‌, ఎస్‌.ఎస్‌.కాంచి తదితరులు ఇతర పాత్రలు పోషించిన ఈ చిత్రానికి కెమెరా: ప్రశాంత్‌ అంకిరెడ్డి.
