Dhadak 2 | బాలీవుడ్ నుంచి క్రేజీ సీక్వెల్.. విడుద‌ల తేదీ ప్ర‌క‌టించిన ‘ధ‌డ‌క్ 2’

Dhadak 2 | భారతీయ సినీ పరిశ్రమలో ప్రస్తుతం సీక్వెల్స్‌ ట్రెండ్ నడుస్తున్న విషయం తెలిసిందే.

Dhadak 2 | భారతీయ సినీ పరిశ్రమలో ప్రస్తుతం సీక్వెల్స్‌ ట్రెండ్ నడుస్తున్న విషయం తెలిసిందే. ఇప్పటికే కొన్ని చిత్రాలు విడుదల కాకముందే సెకండ్ పార్ట్ ఉంటుందని ప్రకటించగా, మరికొన్ని ఫస్ట్ పార్ట్ హిట్ అయితే సీక్వెల్స్‌ తీస్తున్నాయి. అయితే తాజాగా ఈ జాబితాలోకి మరో మూవీ వచ్చి చేరింది. 2016లో మరాఠీ నుంచి వ‌చ్చి బ్లాక్ బస్టర్ సాధించిన చిత్రం సైరట్ (Sairat). ఈ సినిమా మరాఠీలోనే దాదాపు రూ.100 కోట్ల వరకు వసూళ్లను రాబట్టింది. ఇక ఇదే సినిమాను బాలీవుడ్‌లో ధడక్ (Dhadak) పేరుతో రీమేక్ చేశారు. ఇషాన్ ఖట్టర్ మరియు అతిలోక సుందరి శ్రీదేవి కూతురు జాన్వీ కపూర్ నటీనటులుగా వచ్చిన ఈ చిత్రం హిందీలో కూడా మంచి విజయం అందుకుంది. తాజాగా ఈ సినిమాకు సీక్వెల్‌ను బాలీవుడ్ అగ్ర నిర్మాణ సంస్థ ధర్మ ప్రొడక్షన్స్ ప్రకటించింది.

ధ‌డ‌క్ 2 అంటూ రాబోతున్న ఈ చిత్రంలో సిద్ధాంత్ చతుర్వేది(Siddhant Chaturvedi), యానిమ‌ల్ భామ త్రిప్తి డిమ్రి(Tripthi Dimri) ప్ర‌ధాన పాత్ర‌ల్లో న‌టిస్తున్నారు. ఈ సినిమాకు షాజియా ఇక్బాల్ (Shazia Iqbal) ద‌ర్శ‌క‌త్వం వ‌హించ‌బోతుండ‌గా.. ధర్మ ప్రొడక్షన్స్ స‌మ‌ర్ప‌ణ‌లో జీ స్టూడియోస్, ధర్మ ప్రొడక్షన్స్ & క్లౌడ్ 9 పిక్చర్స్ సంయుక్తంగా నిర్మిస్తున్నాయి. ఇప్ప‌టికే షూటింగ్ పూర్తి చేసుకున్న ఈ సినిమా నుంచి తాజాగా విడుద‌ల తేదీతో పాటు ట్రైల‌ర్ అప్‌డేట్‌ను పంచుకున్నారు మేక‌ర్స్. ఈ మూవీ ట్రైల‌ర్‌ను శుక్ర‌వారం విడుద‌ల చేయ‌బోతుండ‌గా.. సినిమాను ఆగ‌ష్టు 01న ప్రేక్ష‌కుల ముందుకు తీసుకురాబోతున్న‌ట్లు చిత్ర‌బృందం ప్ర‌క‌టించింది. ఒకప్పుడు ఒక‌ రాజు, ఒక రాణి ఉండేవారు. వారు వేర్వేరు కులాలకు చెందినవారు, వారి కథ ముగిసింది. అనే కాన్సెప్ట్‌తో ఈ సినిమా రాబోతుంది.

Do dil. Ek Dhadak.#Dhadak2 trailer out this Friday.

Releasing in cinemas on 1st August. pic.twitter.com/lcuEKRaxMJ

— Dharma Productions (@DharmaMovies) July 9, 2025