Dilwale Dulhania LeJayenge | 30 ఏళ్లయినా తగ్గని క్రేజ్.. DDLJపై ఆస్కార్ అకాడమీ పోస్ట్‌

DDLJ | భారతీయ చలనచిత్ర చరిత్రలో అపురూప‌మైన‌ ప్రేమకావ్యంగా నిలిచిపోయిన 'దిల్వాలే దుల్హనియా లే జాయేంగే' (DDLJ) చిత్రానికి అంతర్జాతీయ స్థాయిలో మరో అరుదైన గౌరవం దక్కింది.

The Academy Travel Romance Films | భారతీయ చలనచిత్ర చరిత్రలో అపురూప‌మైన‌ ప్రేమకావ్యంగా నిలిచిపోయిన ‘దిల్వాలే దుల్హనియా లే జాయేంగే’ (DDLJ) చిత్రానికి అంతర్జాతీయ స్థాయిలో మరో అరుదైన గౌరవం దక్కింది. ప్రపంచ ప్రఖ్యాత ఆస్కార్ అవార్డులను ప్రదానం చేసే అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ తాజాగా విడుదల చేసిన ‘ఉత్తమ ట్రావెల్ రొమాన్స్’ చిత్రాల జాబితాలో ఈ బాలీవుడ్ క్లాసిక్‌కు చోటు కల్పించింది. ప్రయాణాల నేపథ్యంలో సాగే అద్భుతమైన ప్రేమకథల గురించి అకాడమీ సోషల్ మీడియాలో స్పందిస్తూ, హాలీవుడ్ చిత్రాలైన ‘ది హాలిడే’, ‘ఈట్ ప్రే లవ్’ వంటి సినిమాలతో పాటు DDLJని కూడా ప్రస్తావించింది.

ఈ విశేషంపై చిత్ర కథానాయిక కాజోల్ స్పందించారు. అకాడమీ చేసిన పోస్ట్‌ను తన సోషల్ మీడియా ఖాతాలో రీషేర్ చేస్తూ, “నేను నిస్సందేహంగా DDLJకే ఓటు వేస్తాను” అంటూ తన అభిమానాన్ని చాటుకున్నారు. 1995లో విడుదలైన ఈ చిత్రం గతేడాదికి 30 ఏళ్ల ప్రస్థానాన్ని విజయవంతంగా పూర్తి చేసుకుంది. ముంబైలోని మరాఠా మందిర్ థియేటర్‌లో దశాబ్దాల పాటు నిరంతరాయంగా ప్రదర్శించబడి ప్రపంచ రికార్డు సృష్టించిన ఈ సినిమాకు, లండన్‌లోని లెస్టర్ స్క్వేర్‌లో షారుఖ్ ఖాన్ మరియు కాజోల్‌ల కాంస్య విగ్రహాలను కూడా ఏర్పాటు చేశారు. స్విట్జర్లాండ్ అందాలను భారతీయ సంప్రదాయాలతో మేళవించిన ఈ చిత్రానికి అంతర్జాతీయ స్థాయిలో లభించిన ఈ అరుదైన గుర్తింపు పట్ల షారుఖ్ ఖాన్ అభిమానులు మరియు సినీ ప్రియులు సోషల్ మీడియా వేదికగా హర్షం వ్యక్తం చేస్తున్నారు.

What’s your favorite romance film that involves travel?

Featured films: YOU, ME & TUSCANY, THE HOLIDAY, DILWALE DULHANIA LE JAYENGE, EAT PRAY LOVE pic.twitter.com/3IGWMF7Ooj

— The Academy (@TheAcademy) April 10, 2026