స్టైలిష్ స్టార్ అల్లు అర్జున్ ప్రస్తుతం పుష్ప సినిమాతో బిజీగా ఉండగా, ఈ సినిమా తర్వాత ఆయన ఏ ప్రాజెక్ట్ చేయనున్నాడు అనే దానిపై అందరిలో అనుమానం ఉంది. ఇటీవల దిల్ రాజు, దర్శకుడు వేణు శ్రీరామ్ త్వరలోనే ఐకాన్ స్టార్ట్ చేయబోతున్నాం అని చెప్పారు తప్ప బన్నీ పేరు ఎక్కడా ప్రస్తావించలేదు. దీంతో బన్నీ ఐకాన్ లేనట్టే అని అందరు భావించారు. కాని పుకార్ల అన్నింటిపై నిర్మాత బన్నీ వాసు ఓ క్లారిటీ ఇచ్చారు.
ప్రస్తుతం పుష్ప తొలి పార్ట్ చేస్తున్న అల్లు అర్జున్ ఈ సినిమా పూర్తి కాగానే శ్రీరామ్ వేణు దర్శకత్వంలో ఐకాన్ అనే సినిమా చేయనున్నాడు. ఇది పూర్తి కాగానే పుష్ప2పై ఫోకస్ పెడతారు. ఆ తర్వాత మురుగదాస్ సినిమా, బోయపాటి సినిమాలుంటాయి. పరిస్థితుల ఆధారంగా ఏ సినిమా ముందు సెట్స్ పైకి తీసుకెళ్లాలని నిర్ణయిస్తారు. ఆ తర్వాత కొరటాల శివతో సినిమా చేయనున్నారు బన్నీ. అల్లు అర్జున్తో జీఏ2 బ్యానర్లో కూడా తప్పకుండా సినిమా ఉంటుంది. రాబోవు రెండేళ్లలో అది జరుగుతుందని బన్నీ వాసు పేర్కొన్నారు.