Vijayawada Utsav | విజయవాడలో క్రేజీ ఈవెంట్స్‌.. చిరంజీవి, బాలకృష్ణ, పవన్‌ కల్యాణ్ సందడి..!

Vijayawada Utsav | ఈ సారి దసరాకు వస్తారనుకున్న హీరోలు మాత్రం థియేటర్లలోకి రావడం లేదు. కానీ అభిమానులను ఏ మాత్రం నిరాశపర్చకుండా విజయ దశమిని ప్రత్యేకంగా జరుపుకునేలా ప్లాన్ చేశారు. ఇంతకీ విషయమేంటంటే దసరా ఫెస్టివల్‌కు ఏకంగా ముగ్గురు స్టార్ హీరోలు ఈవెంట్స్‌తో సందడి చేయనున్నారు.

Vijayawada Utsav | ప్రతీ యేటా దసరా సీజన్‌లో సినిమాల జాతర ఉంటుందని తెలిసిందే. మూవీ లవర్స్‌తోపాటు అభిమానులకు పసందైన వినోదాన్ని అందించేందుకు థియేటర్లలో సందడి చేస్తుంటారు స్టార్‌ యాక్టర్లు. అయితే ఈ సారి మాత్రం దసరా వస్తారనుకున్న హీరోలు మాత్రం థియేటర్లలోకి రావడం లేదు. కానీ అభిమానులను ఏ మాత్రం నిరాశపర్చకుండా విజయ దశమిని ప్రత్యేకంగా జరుపుకునేలా ప్లాన్ చేశారు హీరోలు. ఇంతకీ విషయమేంటంటే దసరా ఫెస్టివల్‌కు ఏకంగా ముగ్గురు స్టార్ హీరోలు ఈవెంట్స్‌తో సందడి చేయనున్నారు. ఇంతకీ ఎక్కడనుకుంటున్నారా..? కనగదుర్గ అమ్మవారు కొలువుదీరిన విజయవాడలోనే.

చిరంజీవి, పవన్ కల్యాణ్‌, బాలకృష్ణలు దసరా ఉత్సవాల్లో భాగంగా నిర్వహించే విజయవాడ ఉత్సవ్‌లో సందడి చేయనున్నారు. తాజా కథనాల ప్రకారం చిరంజీవి నటిస్తున్న మన శంకర వరప్రసాద్‌ గారు, బాలకృష్ణ నటిస్తోన్న అఖండ 2 ఆడియో ఆల్బమ్‌ లాంచ్ ఈవెంట్స్‌తోపాటు పవన్‌ కల్యాణ్ నటిస్తోన్న ఓజీ ప్రీ రిలీజ్‌ ఈవెంట్స్‌ విజయవాడ ఉత్సవ్‌లో హైలెట్‌గా నిలువనున్నట్టు ఫిలింనగర్‌ సర్కిల్‌ సమాచారం. ఈ ఈవెంట్స్‌లో తెలుసు కదా టీం మెంబర్స్‌ అయిన సిద్దు జొన్నలగడ్డ, రాశీ ఖన్నా, శ్రీనిధి శెట్టి సందడి చేయనున్నట్టు ఇన్‌సైడ్‌ టాక్‌.

విజయవాడ ఉత్సవ్‌లో భాగంగా గొల్లపూడి, తుమ్మలపల్లి కళాక్షేత్రం, ఘంటసాల మ్యూజిక్‌ కాలేజీల్లో ఈవెంట్స్‌ ప్లాన్‌ చేయగా.. మ్యూజికల్‌ నైట్స్‌లో టాలీవుడ్‌ టాప్‌ మ్యూజిక్‌ కంపోజర్లు, సింగర్లు శంకర్ మహదేవన్‌, ఆర్‌పీ పట్నాయక్‌, సునీత, గీతామాధురి, రాహుల్‌ సిప్లిగంజ్‌ సందడి చేయనున్నారని సమాచారం. అంతేకాదు కృష్ణా నది తీరాన ది మిస్‌ విజయవాడ బ్యూటీ పీజియాంట్‌, మారథాన్‌ రేస్‌, బోటు రేసు ఫెస్టివల్‌కే హైలెట్‌గా నిలువనున్నాయి. సెప్టెంబర్‌ 22 నుంచి అక్టోబర్‌ 2 జరిగే ఈ ఈవెంట్స్‌కు విజయవాడ వేదిక కానుంది. ఇంకేంటి మరి ఇంకేంటి మరి మీ అభిమాన హీరోలను డైరెక్టుగా చూసేందుకు విజయవాడతోపాటు పరిసర ప్రాంతాల వాసులు రెడీగా ఉండండి.

Read Also :

Ghaati Day 1 | అనుష్క ‘ఘాటి’ మొదటి రోజు క‌లెక్ష‌న్లు ఎంతంటే.!

Prabhas | డార్లింగ్ అభిమానులకు మాస్ అప్డేట్.. ఫ్యాన్స్ ఫుల్ ఖుష్‌

Unmukt Chand | క్రికెటర్ ఉన్ముక్త్ చంద్ జీవితంపై డాక్యుమెంటరీ.. ట్రైలర్ రిలీజ్!