Brahmanandam memes | మీమ్స్ కా బాప్ బ్ర‌హ్మానందం..వారికి బ్ర‌హ్మీ ధ‌న్య‌వాదాలు

మూడు ద‌శాబ్దాల‌కుపైగా తెలుగు సినీ పరిశ్ర‌మ‌లో (Telugu Cinema) త‌న కామెడీతో కోట్లాదిమంది హృద‌యాల్లో చెర‌గ‌ని స్థానం సంపాదించుకున్నారు. బ్ర‌హ్మానందం (Brahmanandam)

November 24, 2021 / 03:41 PM IST

Brahmanandam memes | మీమ్స్ కా బాప్ బ్ర‌హ్మానందం..వారికి బ్ర‌హ్మీ ధ‌న్య‌వాదాలు

బ్ర‌హ్మానందం (Brahmanandam)..ఆయ‌న‌ పేరు విన్నా..ఫొటో చూసినా న‌వ్వు రావాల్సిందే. మూడు ద‌శాబ్దాల‌కుపైగా తెలుగు సినీ పరిశ్ర‌మ‌లో (Telugu Cinema) త‌న కామెడీతో కోట్లాదిమంది హృద‌యాల్లో చెర‌గ‌ని స్థానం సంపాదించుకున్నారు. లెజెండ‌రీ క‌మెడియ‌న్‌గా సుస్థిర స్థానం సంపాదించుకున్న ఆయ‌నను అంద‌రూ ముద్దుగా బ్ర‌హ్మీ అని పిలుచుకుంటారు. సోష‌ల్‌మీడియా ప్లాట్ ఫామ్స్ లో క‌నిపించే ఫ‌న్నీ మీమ్స్ బ్ర‌హ్మానందం (Brahmi memes) ప్ర‌స్తావ‌న లేకుండా ఉండ‌వంటే అతిశ‌యోక్తి కాదు.

అన్ని ఎమోషన్ల‌కు బ్ర‌హ్మీ న‌టించిన ఏదో సినిమాలోని స్టిల్‌ను వాడుకుంటుంటారు నెటిజ‌న్లు. సోష‌ల్‌మీడియాలో ఒక ఎమోజీలా మారిపోయారు బ్ర‌హ్మానందం. త‌న‌ను సినిమాకంటే ఎక్కువ‌గా మ‌రింత పాపుల‌ర్ చేస్తున్న మీమ్స్ సృష్టిక‌ర్త‌ల‌కు ధ‌న్య‌వాదాలు తెలియ‌జేశారు బ్ర‌హ్మానందం. అలీతో స‌ర‌దాగా టాక్ షోలో పాల్గొన్న బ్ర‌హ్మానందం వారికి కృత‌జ్ఞ‌త‌లు తెలియ‌జేశారు. మీమ్ సృష్టిక‌ర్త‌ల‌కు రుణ‌ప‌డి ఉంటా. రాబోయే త‌రానికి కూడా న‌న్ను ప‌రిచ‌యం చేస్తూ..న‌న్ను మ‌రింత పాపుల‌ర్ చేస్తున్నార‌ని అన్నారు బ్ర‌హ్మీ. బ్ర‌హ్మీ మాట‌ల‌తో రూపొందించిన మీమ్ పోస్ట‌ర్ ఇపుడు నెట్టింట్లో ట్రెండింగ్ అవుతోంది.

ఈ స్టార్ క‌మెడియ‌న్ ఇటీవ‌లే జాతి ర‌త్నాలు (Jaathi Ratnalu)చిత్రంలో చీఫ్ జ‌స్టిస్ పాత్ర‌లో క‌నిపించారు. కొంత‌కాలంగా సినిమాలు చేయ‌డంలో వేగం త‌గ్గించారు బ్రహ్మానందం. టాలీవుడ్ స‌ర్కిల్‌లో బ్ర‌హ్మానందంకున్న పెయింటింగ్ క‌ళ చాలా ఫేమ‌స్ అని తెలిసిందే. అంద‌రూ ఆయ‌న‌ను లెజెండ‌రీ ద‌ర్శ‌కుడు బాపు త‌ర్వాత గొప్ప పెయింట‌ర్‌గా బ్ర‌హ్మీని అభివ‌ర్ణిస్తుంటారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి