Bigg Boss 10 | ఈ వారం ఎలిమినేషన్‌ డేంజర్‌లో ఆ నలుగురు.. టాప్‌లో వంశీ, రోహిత్‌!

Bigg Boss 10 | బిగ్‌బాస్ తెలుగు పదో సీజన్‌ ఎనిమిదో వారంలోకి అడుగుపెట్టింది. ఇప్పటికే ఏడు వారాలు పూర్తికాగా, గత వారం దక్షి, షాలిని ఇద్దరూ హౌస్‌ నుంచి ఎలిమినేట్‌ అయ్యారు. దీంతో ఈ వారం ఎవరు బయటకు వెళ్లబోతున్నారనే ఆసక్తి ప్రేక్షకుల్లో పెరిగింది. మరోవైపు ఎనిమిదో వారం నామినేషన్లలో ఉన్న కంటెస్టెంట్లకు సంబంధించిన అనధికారిక ఓటింగ్‌ వివరాలు ఇప్పుడు చర్చనీయాంశంగా మారాయి.

Bigg Boss 10 | బిగ్‌బాస్ తెలుగు పదో సీజన్‌ ఎనిమిదో వారంలోకి అడుగుపెట్టింది. ఇప్పటికే ఏడు వారాలు పూర్తికాగా, గత వారం దక్షి, షాలిని ఇద్దరూ హౌస్‌ నుంచి ఎలిమినేట్‌ అయ్యారు. దీంతో ఈ వారం ఎవరు బయటకు వెళ్లబోతున్నారనే ఆసక్తి ప్రేక్షకుల్లో పెరిగింది. మరోవైపు ఎనిమిదో వారం నామినేషన్లలో ఉన్న కంటెస్టెంట్లకు సంబంధించిన అనధికారిక ఓటింగ్‌ వివరాలు ఇప్పుడు చర్చనీయాంశంగా మారాయి. ఈ వారం నామినేషన్‌లో వంశీ, రోహిత్‌, సుధీర్‌, సింగర్‌ ఝాన్సీ, రామ్‌ ప్రసాద్‌, శివ, రామకృష్ణ, వర్షిణి ఉన్నారు. వీరిలో ఒకరు ఈ వారం హౌస్‌ను వీడాల్సి ఉంటుంది. అయితే ప్రస్తుతం అందుతున్న అనధికారిక ఓటింగ్‌ అంచనాల ప్రకారం కొందరు కంటెస్టెంట్లు సురక్షిత స్థానంలో ఉండగా, మరికొందరికి ఎలిమినేషన్‌ ముప్పు పొంచి ఉంది.

ఈ వారం ఓటింగ్‌లో అనూహ్యంగా టెంపర్‌ వంశీ ముందంజలో ఉన్నట్లు ప్రచారం జరుగుతోంది. ఆయనకు ప్రేక్షకుల నుంచి మంచి మద్దతు లభిస్తున్నట్లు తెలుస్తోంది. ఆ తర్వాతి స్థానంలో రోహిత్‌ కొనసాగుతున్నాడని అనధికారిక ఓటింగ్‌ లెక్కలు సూచిస్తున్నాయి. హౌస్‌లో రోహిత్‌పై ఎలాంటి విమర్శలు వచ్చినా, ఓటింగ్‌ విషయంలో మాత్రం ఆయనకు మంచి ఆదరణ లభిస్తున్నట్లు కనిపిస్తోంది. ఇక సుధీర్‌కు కూడా ఓటింగ్‌ బాగానే ఉన్నట్లు సమాచారం. సింగర్‌ ఝాన్సీ ఈసారి గతంతో పోలిస్తే మెరుగైన ఓట్లు సాధిస్తున్నట్లు తెలుస్తోంది. ఆమె క్రమంగా తన స్థానాన్ని మెరుగుపరుచుకుంటున్నట్లు అంచనాలు వెలువడుతున్నాయి.

మరోవైపు అనధికారిక ఓటింగ్‌లో శివ, రామకృష్ణ, వర్షిణి చివరి స్థానాల్లో ఉన్నట్లు ప్రచారం జరుగుతోంది. వీరిలో ఒకరికి ఎలిమినేషన్‌ ముప్పు ఎక్కువగా ఉండొచ్చని అంచనా వేస్తున్నారు. అయితే సింగర్‌ ఝాన్సీ, సుధీర్‌ కూడా పూర్తిగా సురక్షితంగా లేరనే అభిప్రాయాలు వ్యక్తమవుతున్నాయి. ఈ వారం ఓటింగ్‌తో పాటు హౌస్‌లో జరిగే ఆటలు కూడా కంటెస్టెంట్ల స్థానాలను మార్చే అవకాశం ఉంది. ప్రస్తుతం రెడ్‌ జోన్‌లో ఉన్నవారు తమ ప్రదర్శనతో ఎల్లో, గ్రీన్‌ జోన్లలోకి వెళ్లేందుకు ప్రయత్నించాల్సి ఉంటుంది. అందువల్ల రాబోయే టాస్కుల్లో ఎవరు ఎలా ఆడతారనేది కీలకంగా మారనుంది. ప్రస్తుత అంచనాలను బట్టి చూస్తే సుధీర్‌, వర్షిణి, ఝాన్సీ, రామకృష్ణల మధ్య ఎలిమినేషన్‌ పోటీ ఉండే అవకాశాలు కనిపిస్తున్నాయి. ముఖ్యంగా సుధీర్‌, వర్షిణిలలో ఎవరు హౌస్‌ను వీడతారనే చర్చ ఎక్కువగా జరుగుతోంది. అయితే ఝాన్సీకి కూడా ప్రమాదం తప్పలేదనే అభిప్రాయాలు ఉన్నాయి.