Bhale Unnade | విడుద‌ల తేదీ ప్ర‌క‌టించిన రాజ్ త‌రుణ్ ‘భలే ఉన్నాడే!’

Bhale Unnade | టాలీవుడ్ యువ క‌థానాయ‌కుడు ఈ ఏడాది వ‌రుస సినిమాల‌తో దూసుకుపోతున్నాడు. ఇప్ప‌టికే ‘నా సామి రంగా’, ‘పురుషోత్తముడు’, తిర‌గ‌బ‌డ‌ర‌సామి అంటూ ప్రేక్ష‌కుల ముందుకు వ‌చ్చిన ఈ కుర్ర హీరో మ‌రో సినిమాను విడుద‌ల‌కు రెడీ చేశాడు.

Bhale Unnade | టాలీవుడ్ యువ క‌థానాయ‌కుడు ఈ ఏడాది వ‌రుస సినిమాల‌తో దూసుకుపోతున్నాడు. ఇప్ప‌టికే ‘నా సామి రంగా’, ‘పురుషోత్తముడు’, తిర‌గ‌బ‌డ‌ర‌సామి అంటూ ప్రేక్ష‌కుల ముందుకు వ‌చ్చిన ఈ కుర్ర హీరో మ‌రో సినిమాను విడుద‌ల‌కు రెడీ చేశాడు. రాజ్‌తరుణ్‌ కథానాయకుడిగా జె.శివసాయివర్ధన్‌ దర్శకత్వంలో వ‌స్తున్న తాజా చిత్రం ‘భలే ఉన్నాడే!’. ఈ సినిమాలో మ‌నీషా కంద్కూర్ హీరోయిన్‌గా న‌టిస్తుండగా.. మారుతి టీమ్‌ ప్రొడక్ట్‌ సంస్థ సమర్పిస్తోంది. ఎన్వీ కిర‌ణ్ కుమార్ నిర్మాత.

ఇప్ప‌టికే ఈ మూవీ ఫ‌స్ట్ లుక్‌తో పాటు గ్లింప్స్ విడుద‌ల చేసిన చిత్ర‌బృందం తాజాగా విడుద‌ల తేదీని ప్ర‌క‌టించింది. ఈ సినిమాను మొద‌ట‌ వినాయ‌క చ‌వితి కానుక‌గా సెప్టెంబ‌ర్ 07న విడుద‌ల చేయ‌నున్న‌ట్లు ప్ర‌క‌టించిన విష‌యం తెలిసిందే. అయితే ఆరోజు విజ‌య్ గోట్ విడుద‌ల కానుడటంతో విడుద‌ల తేదీని వాయిదా వేస్తూ.. కొత్త విడుద‌ల తేదీని ప్ర‌క‌టించింది. ఈ సినిమాను సెప్టెంబ‌ర్ 13న విడుదల చేయ‌నున్న‌ట్లు తాజాగా ప్ర‌క‌టించింది. ‘పురుషోత్తముడు’, తిర‌గ‌బ‌డ‌రాసామి వ‌చ్చి రెండు నెల‌లు కూడా అవ్వ‌ట్లేదు అంత‌లోనే మ‌రో సినిమాను విడుద‌ల‌కు రెడీ చేశాడు రాజ్ త‌రుణ్. ఇక ఈ సినిమాతోనైనా రాజ్ హిట్ కొడతాడేమో చూడాలి. ఈ చిత్రంలో రాజ్ త‌రుణ్ టైల‌ర్ పాత్ర‌లో న‌టిస్తుండ‌గా.. సీనియర్‌ దర్శకుడు సింగీతం శ్రీనివాసరావు ఓ కీలక పాత్రలో కనిపించనున్నారు.

Also Read.. 

• 35 Chinna Katha Kaadu | మొట్టికాయలేస్తెనే మోటివేషన్‌ వస్తుందిరా.. నివేదా థామస్ 35 చిన్న కథ కాదు ట్రైలర్‌
• NBK 50 Years Celebrations | అతిరథ మహారథులంతా ఒక్కచోట.. బాలకృష్ణ గోల్డెన్‌ జూబ్లీ వేడుకల‌కు వ‌చ్చేది వీళ్లే.!
• Heavy Rains | తెలంగాణలో ఇవాళ, రేపు అత్యంత భారీ వర్షాలు.. 9 జిల్లాలకు రెడ్‌ అలర్ట్‌