Saif Ali Khan | సైఫ్‌ అలీఖాన్‌పై దాడి.. ఎన్ని సినిమాలపై ప్రభావం పడిందంటే?

నటుడు సైఫ్‌ అలీఖాన్‌పై దుండగుడి దాడి ఘటన యావత్‌ బాలీవుడ్‌ను ఉలిక్కిపడేలా చేసింది. ప్రస్తుతం ఆయన ముంబయి లీలావతి ఆసుపత్రిలో చికిత్స తీసుకుంటున్న విషయం తెలిసిందే. ఆరు చోట్ల కత్తిగాయాలు కావడంతో శస్త్ర చికిత్సలు అవసరమవుతాయని, కోలుకోవడానికి చాలా సమయం పడుతుందని వైద్యులు ప్రకటించారు.

Saif Ali Khan | నటుడు సైఫ్‌ అలీఖాన్‌పై దుండగుడి దాడి ఘటన యావత్‌ బాలీవుడ్‌ను ఉలిక్కిపడేలా చేసింది. ప్రస్తుతం ఆయన ముంబయి లీలావతి ఆసుపత్రిలో చికిత్స తీసుకుంటున్న విషయం తెలిసిందే. ఆరు చోట్ల కత్తిగాయాలు కావడంతో శస్త్ర చికిత్సలు అవసరమవుతాయని, కోలుకోవడానికి చాలా సమయం పడుతుందని వైద్యులు ప్రకటించారు. ఈ నేపథ్యంలో సైఫ్‌అలీఖాన్‌ నటిస్తున్న తాజా చిత్రాల షూటింగ్స్‌ ఆలస్యమయ్యే సూచనలు కనిపిస్తున్నాయి.

ప్రస్తుతం సైఫ్‌అలీఖాన్‌ బాలీవుడ్‌తో పాటు దక్షిణాదిలో పలు భారీ ప్రాజెక్ట్స్‌తో బిజీగా ఉన్నారు. దాడి ఘటన వల్ల ఈ సినిమా షూటింగ్స్‌ను రీషెడ్యూల్‌ చేయాల్సిన పరిస్థితులు ఏర్పడ్డాయి. ప్రస్తుతం సైఫ్‌అలీఖాన్‌ హిందీలో సిద్ధార్థ్‌ ఆనంద్‌ దర్శకత్వంలో ‘జువెల్‌ థీఫ్‌: ది రెడ్‌ సన్‌ చాప్టర్‌’ చిత్రంలో నటిస్తున్నారు. ఇది చిత్రీకరణ దశలో ఉంది. ప్రతిష్టాత్మక ఫ్రాంఛైజీ ‘రేస్‌-4’లో సైఫ్‌అలీఖాన్‌ తిరిగి భాగం కాబోతున్నారని నిర్మాత రమేష్‌ తౌరానీ ఇటీవలే ప్రకటించారు. సైఫ్‌అలీఖాన్‌ ఈ సినిమా షూట్‌లో జాయిన్‌ కావాల్సి ఉంది. తాజా ఘటనతో చిత్రీకరణ సందిగ్ధంలో పడింది. వీటితో పాటు ‘షూట్‌ అవుట్‌ ఎట్‌ బైకుల్లా’ సినిమాలో కూడా సైఫ్‌అలీఖాన్‌ నటిస్తున్నారు.