Atithi Devo bhava: అతిథి దేవోభవ టైటిల్‌తో ఆది మూవీ..ఫ‌స్ట్ లుక్ విడుద‌ల‌

డైలాగ్ కింగ్ సాయి కుమార్ త‌న‌యుడిగా ఇండ‌స్ట్రీలోకి ఎంట్రీ ఇచ్చిన ఆది మొద‌టి సినిమాతోనే మంచి విజ‌యం అందుకున్నాడు. ప్రేమ కావాలి సినిమాలోని అత‌ని న‌ట‌న‌కు విమ‌ర్శ‌కుల ప్ర‌శంస‌లు ద‌క్కాయి. ఈ చిత్రం త‌ర్వాత లవ్లీ, సుకుమారుడు వంటి హిట్ చిత్రాలతో ప్రేక్షకలను అలరించాడు. అయితే ఇటీవ‌లి కాలంలో ఆదికి స‌రైన స‌క్సెస్‌లు లేవు.

ఆ మధ్యకాలంలో వచ్చిన ‘ఆపరేషన్ గోల్డ్ ఫిష్’ రీసెంట్‌గా వచ్చిన ‘శశి’ రెండు సినిమాలు బాక్సాఫీస్ వద్ద బోల్తా పడ్డాయి. దీంతో కథల ఎంపికలో మరోసారి జాగ్రత్త ప‌డ‌తున్నాడు. వ‌రుస సినిమాల‌ను లైన్‌లో పెట్టిన సాయి కుమార్ త‌న‌యుడు ఆది బ్లాక్ అనే చిత్రం చేస్తున్న సంగ‌తి తెలిసిందే. ‘అమరన్‌ ఇన్‌ ది సిటీ చాప్టర్‌-1’అనే సినిమాలో నటిస్తున్నాడు. ఆది కెరీర్‌లోనే ఇది భారీ బడ్జెట్ సినిమా కావడం విశేషం.

ఇప్పుడు తన లైనప్ లో ఉన్న చిత్రాల్లో “అతిథి దేవోభవ” కూడా ఒకటి. దీని నుంచి ఇపుడు మేకర్స్ ఇంప్రెసివ్ ఫస్ట్ లుక్ పోస్టర్ ని రిలీజ్ చేసారు. ఈ పోస్ట‌ర్ కాస్త డిఫ‌రెంట్‌గా ఉంది. అద్దాన్ని దాటుకొని పోయేందుకు హీరో ప్ర‌య‌త్నిస్తున్న‌ట్టు క‌నిపిస్తుండ‌గా, ఇందులో ఆంత‌ర్యం ఏంట‌నే దానిపై అభిమానులు లోతుగా ఆలోచిస్తున్నారు. ఈ చిత్రాన్ని దర్శకుడు పొలిమేర నాగేశ్వర్ యాక్షన్ థ్రిల్లర్ గా ప్లాన్ చేస్తుండగా ఆది సరసన నువేక్ష హీరోయిన్ గా నటిస్తుంది. శేఖర్ చంద్ర సంగీతం అందిస్తున్నారు.