Annapurna Photo Studio | ఈ కథ హృదయాన్ని వెంటాడుతుంది

‘ఈ సినిమా ట్రైలర్‌ బాగా నచ్చింది. హీరో చైతన్య మంచి కథాంశాలను ఎంచుకొని సినిమాలు చేస్తున్నాడు. తప్పకుండా ఈ సినిమా పెద్ద విజయం సాధిస్తుంది’ అన్నారు విశ్వక్‌సేన్‌. బుధవారం జరిగిన ‘అన్నపూర్ణ ఫొటో స్టూడియో’ ప్రీరిలీజ్‌ వేడుకకు ఆయన ముఖ్య అతిథిగా హాజరయ్యారు.

‘ఈ సినిమా ట్రైలర్‌ బాగా నచ్చింది. హీరో చైతన్య మంచి కథాంశాలను ఎంచుకొని సినిమాలు చేస్తున్నాడు. తప్పకుండా ఈ సినిమా పెద్ద విజయం సాధిస్తుంది’ అన్నారు విశ్వక్‌సేన్‌. బుధవారం జరిగిన ‘అన్నపూర్ణ ఫొటో స్టూడియో’ ప్రీరిలీజ్‌ వేడుకకు ఆయన ముఖ్య అతిథిగా హాజరయ్యారు. చైతన్య రావు, లావణ్య జంటగా చందు ముద్దు దర్శకత్వంలో యష్‌ రంగినేని ఈ చిత్రాన్ని నిర్మించారు. నేడు ప్రేక్షకుల ముందుకు రానుంది. ఈ సందర్భంగా దర్శకుడు మాట్లాడుతూ ‘ఈ సినిమా వెనక మా రెండేళ్ల శ్రమ ఉంది.

ఈ కథ మిమ్మల్ని కొన్ని నెలల పాటు వెంటాడుతుంది. అంతటి హృద్యమైన భావోద్వేగాలుంటాయి. అందరూ థియేటర్‌లో సినిమాను చూడండి’ అన్నారు. ‘ఈ కథ మీద నమ్మకంతో అన్ని ప్రాంతాల్లో ప్రీమియర్స్‌ వేశాం. అందరూ బాగుందని ప్రశసించారు. ఈ సినిమా విజయంపై టీమ్‌ అంతా చాలా నమ్మకంతో ఉన్నాం’ అని నిర్మాత యష్‌ రంగినేని చెప్పారు. ప్రతి ఒక్కరికి తమ జీవితాల్లో జరిగిన జ్ఞాపకాల్ని గుర్తుకు తెచ్చే చిత్రమిదని హీరో చైతన్య రావు పేర్కొన్నారు. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు.