విశాల్‌కి జోడీగా..

తమిళ అగ్రహీరో విశాల్‌ స్వీయ దర్శకత్వంలో హీరోగా నటిస్తున్న యాక్షన్‌ ఎంటర్‌టైనర్‌ ‘మకుటం’. సూపర్‌గుడ్‌ ఫిల్మ్స్‌ పతాకంపై 99వ సినిమాగా ఆర్బీ చౌదరి నిర్మిస్తున్న ఈ చిత్రం ప్రస్తుతం నిర్మాణ దశలో ఉన్నది. అంజలి ఇందులో విశాల్‌కి జోడీగా నటిస్తున్నది.

తమిళ అగ్రహీరో విశాల్‌ స్వీయ దర్శకత్వంలో హీరోగా నటిస్తున్న యాక్షన్‌ ఎంటర్‌టైనర్‌ ‘మకుటం’. సూపర్‌గుడ్‌ ఫిల్మ్స్‌ పతాకంపై 99వ సినిమాగా ఆర్బీ చౌదరి నిర్మిస్తున్న ఈ చిత్రం ప్రస్తుతం నిర్మాణ దశలో ఉన్నది. అంజలి ఇందులో విశాల్‌కి జోడీగా నటిస్తున్నది. ఈ విషయాన్ని తెలియజేస్తూ.. అంజలి, విశాల్‌ కలిసి ఓ కాన్సెప్ట్‌ వీడియోని విడుదల చేశారు. అంజలికి కథ చెప్పేందుకు ఒక దర్శకుడిగా విశాల్‌ వెళ్లడంతో ఈ వీడియో మొదలైంది.

వీడియోలో ఇద్దరి సంభాషణ సెటైర్లతో ఫన్‌గా సాగింది. ప్రస్తుతం ఈ వీడియో సోషల్‌ మీడియాలో ట్రెండింగ్‌లో ఉన్నదని మేకర్స్‌ తెలిపారు. విశాల్‌ హీరోగా నటిస్తూ కథ, కథనం, దర్శకత్వం బాధ్యతల్ని కూడా నిర్వర్తిస్తున్న ఈ చిత్రానికి జీవీ ప్రకాశ్‌కుమార్‌ సంగీతం అందిస్తున్నారు. ఈ సినిమాకు సంబంధించిన మిగతా వివరాలు తెలియాల్సివుంది.