Visit:
Kalki 2898 AD | పాన్ ఇండియా న‌టుడు ప్రభాస్‌ కథానాయకుడిగా నాగ్‌అశ్విన్‌ దర్శకత్వంలో రూపొందిన తాజా బ్లాక్ బ‌స్ట‌ర్ ‘కల్కి’ బాక్సాఫీస్ వద్ద త‌న జైత్రయాత్రను ఇంకా కొనసాగిస్తుంది. తాజాగా ఈ చిత్రం రూ.1000 కోట్ల క్ల‌బ్‌లో ఎంట‌ర్ అయిన‌ట్లు చిత్రబృందం ప్ర‌క‌టించిన విష‌యం తెలిసిందే. ఈ సినిమా కేవ‌లం 17 రోజుల్లోనే రూ.1000 కోట్ల మార్క్ టచ్ చేసినట్లు చిత్రబృందం అధికారికంగా ప్ర‌క‌టించింది. ఇక ఈ సినిమా బ్లాక్ బ‌స్ట‌ర్ అవ్వ‌డం ప‌ట్ల ఇప్ప‌టికే ప్ర‌భాస్‌తో పాటు ద‌ర్శ‌కుడు నాగ్ అశ్విన్ సోష‌ల్ మీడియా వేదికగా ప్రేక్ష‌కుల‌కు ధన్యవాదాలు తెలిపారు. ఇదిలావుంటే ఈ సినిమా ఇంత ఘ‌న విజ‌యం సాధించ‌డంపై బిగ్ బీ అమితాబ్ వీడియో రూపంలో ఆనందం వ్యక్తంచేశారు.
‘కల్కి’ ఇంత‌టి ఘ‌న విజ‌యం సాధించ‌డం ఆనందంగా ఉంది. ఈ విజ‌యంలో భాగ‌మైన వారంద‌రికీ ధన్యవాదాలు. ఒక మూవీ రూ.1000 కోట్లు సాధించ‌డం అనేది ప్ర‌భాస్‌కు సాధ‌ర‌ణ విష‌యం అవ్వ‌వ‌చ్చు. కానీ నాకు ఇదే మొద‌టిది. రూ.1000 కోట్ల మూవీలో భాగ‌మైనందుకు చాలా ఆనందంగా ఉంది. ఇప్ప‌టివ‌ర‌కు ఈ సినిమాను 4 సార్లు చూశాను. కల్కి నుంచి చాలా నేర్చుకున్నాను.. నాకు కావాల్సిన వాళ్లందరినీ థియేటర్‌కు పిలిపించుకుని మ‌రి సినిమా చూపించాను. చాలా ఆనందంగా ఉంది అంటూ అమితాబ్ చెప్పుకోచ్చాడు.
Also Read..
