Pushpa OTT | అల్లు అర్జున్ హీరోగా సుకుమార్ తెరకెక్కించిన సినిమా పుష్ప ( Pushpa ) . అన్ని భాషల్లోనూ ఈ సినిమా అద్భుతమైన విజయం అందుకుంది. తెలుగు రాష్ట్రాల్లో కూడా దాదాపు 80 కోట్లకు పైగా షేర్ వసూలు చేసింది ఈ సినిమా. అన్నింటికీ మించి ఏపీలో టికెట్ రేట్ల సమస్యతో పాటు కొత్తగా ఇప్పుడు కరోనా కేసులు కూడా పెరగడంతో సినిమా వసూళ్ల పై ప్రభావం భారీగా పడింది. డిసెంబర్ 17న పుష్ప సినిమా విడుదలైంది.. అంటే ఇప్పటికి దాదాపు 18 రోజులు గడిచిపోయింది. ఇప్పటికీ ఈ సినిమాకు కలెక్షన్స్ బాగానే వస్తున్నాయి. హిందీలో అయితే అద్భుతమైన కలెక్షన్స్ తీసుకొస్తున్నాడు పుష్ప.
ఎవరూ ఊహించని రీతిలో హిందీలో 60 కోట్ల మార్కు అందుకుంది ఈ సినిమా. త్వరలోనే 75 కోట్ల వైపు పరుగులు చేయడం ఖాయంగా కనిపిస్తుంది. ఇలాంటి సమయంలో పుష్ప ఓటీటీ ( OTT ) విడుదలపై ఒక క్లారిటీ వచ్చింది. సాధారణంగా పెద్ద సినిమాలకు కనీసం 50 రోజుల గ్యాప్ ఉంటుంది. అయితే నిర్మాతలు సినిమాని అమ్మేటప్పుడు చేసుకునే అగ్రిమెంట్ బట్టి కొన్ని సినిమాలు మూడు నాలుగు వారాల్లోనే డిజిటల్ మీడియా వేదికగా ప్రేక్షకుల ముందుకు వస్తాయి. అందులో కొన్నిసార్లు స్టార్ హీరోల సినిమాలు కూడా ఉంటాయి. ఇప్పుడు అల్లు అర్జున్ పుష్ప విషయంలో కూడా ఇదే జరుగుతుందని తెలుస్తోంది.
సినిమా కలెక్షన్స్ ఇప్పటికీ బాగానే ఉన్నా కూడా.. ముందుగా చేసుకున్న ఒప్పందం ప్రకారం నాలుగు వారాల తర్వాత ఓటిటిలో విడుదల చేస్తున్నట్లు తెలుస్తోంది. ఈ సినిమాను అమెజాన్ ప్రైమ్ ( Amazon prime ) వీడియో మంచి రేటు ఇచ్చి సొంతం చేసుకుంది. అయితే తెలుగు వర్షన్ ఆహాలో స్ట్రీమ్ అవుతుందనే ప్రచారం జరుగుతుంది. తమిళ కన్నడ మలయాళ హిందీ వర్షన్ అమెజాన్ ప్రైమ్ వీడియోలో జనవరి 7న ప్రేక్షకుల ముందుకు వస్తున్నట్లు సోషల్ మీడియాలో వార్తలు వస్తున్నాయి. అదే రోజు తెలుగు వర్షన్ కూడా ఆహాలో విడుదలవుతుందని తెలుస్తోంది. ఒకవేళ ఇదే నిజమైతే ప్రేక్షకులకు అంతకంటే పెద్ద సర్ప్రైజ్ మరొకటి ఉండదు. ఎందుకంటే దీని కంటే రెండు వారాల ముందు విడుదలైన బాలకృష్ణ అఖండ సినిమా ఇంకా ఓటిటిలో విడుదల కాలేదు.
ఇవి కూడా చదవండి..
Pushpa Deleted Scene | పుష్ప డిలీటెడ్ సీన్ చూశారా? ఈ సీన్ను ఎందుకు డిలీట్ చేశారో తెలుసా?
Mohanbabu Letter | ‘మనకెందుకు అని మౌనంగా ఉండాలా..?’ మోహన్ బాబు లేఖ వైరల్
మోహన్ బాబు రాసిన లేఖ ఎవరిని ఉద్దేశించనది?