Visit:
All We Imagine As Light | కేన్స్‌ ఫిల్మ్‌ ఫెస్టివల్‌లో స‌త్తాచాటిన భార‌తీయ చిత్రం ‘ఆల్‌ వి ఇమేజిన్‌ యాజ్‌ లైట్‌’(All We Imagine As Light). ఓటీటీలోకి రాబోతుంది. తాజాగా ఈ సినిమా అనౌన్స్‌మెంట్‌ను మేక‌ర్స్ ప్ర‌క‌టించారు.
భార‌తీయ ద‌ర్శ‌కురాలు పాయ‌ల్ క‌పాడియా (Payal Kapadia) ద‌ర్శ‌క‌త్వంలో వ‌చ్చిన తాజా చిత్రం ‘ఆల్‌ వి ఇమేజిన్‌ యాజ్‌ లైట్‌’ (All We Imagine As Light). ముంబయి నర్సింగ్‌ హోమ్‌లో పనిచేసే కేరళకు చెందిన ఇద్దరు నర్సుల కథ ఆధారంగా వ‌చ్చిన ఈ చిత్రం ఇప్ప‌టికే ప‌లు అంతర్జాతీయ అవార్డుల‌ను గెలుచుకున్న విష‌యం తెలిసిందే. కేన్స్‌ ఫిల్మ్‌ ఫెస్టివల్‌లో స‌త్తాచాటిన ఈ చిత్రం రీసెంట్‌గా 82వ గోల్డెన్‌ గ్లోబ్స్‌ పురస్కారాలకు నామినేట్ అయ్యింది. ఇదిలావుంటే తాజాగా ఈ చిత్రం ఓటీటీ అనౌన్స్‌మెంట్‌ని పంచుకుంది. ప్రముఖ ఓటీటీ వేదిక డిస్నీ + హాట్‌స్టార్‌లో ఈ సినిమా జ‌న‌వ‌రి 03 నుంచి స్ట్రీమింగ్ కాబోతుంద‌ని ప్ర‌క‌టించారు. ఈ సందర్భంగా పోస్ట‌ర్‌ను విడుద‌ల చేశారు.
ఈ ఏడాది జ‌రిగిన ప్రతిష్ఠాత్మక 77వ కేన్స్‌ ఫిల్మ్‌ ఫెస్టివల్‌లో ‘ఆల్‌ వీ ఇమాజైన్‌ యాజ్‌ లైట్‌’ ప్రతిష్టాత్మక గ్రాండ్ ప్రిక్స్ (Grand Prix award) అవార్డును గెలుచుకుంది. మ‌రోవైపు ఈ సినిమాను చూసిన అమెరికా మాజీ అధ్యక్షుడు బరాక్ ఒబామా (US Former President Barack Obama) ప్ర‌శంస‌లు కురిపించాడు. అంతేగాకుండా.. త‌న‌కు 2024లో న‌చ్చిన సినిమాల‌లో ‘ఆల్‌ వి ఇమేజిన్‌ యాజ్‌ లైట్‌’ చిత్రం మొద‌టి స్థానంలో ఉంటుంద‌ని తెలిపాడు.
Festival de Cannes Grand Prix Winner 2024 & with 2 Golden Globe Nominations – Payal Kapadia’s masterpiece – All We Imagine As Light will stream on #DisneyPlusHotstar on Jan 3. A Movie that you can’t miss!#AllWeImagineAsLight pic.twitter.com/jaJWNaU2IW
— Disney+ Hotstar (@DisneyPlusHS) December 27, 2024
Also Read..
