Cinema News | రూమర్లవాళ్లంతా నిశ్శబ్దం అయిపోయారు..

ఊళ్లో పెళ్లి జరుగుతుంటే అవేవో హడావిడి పడ్డాయట.. సోషల్‌ మీడియా పుణ్యమా అని చాలామంది ఇలాగే తయారయ్యారు. రంధ్రాన్వేషణే వీరి జీవన విధానం. ఇటీవల ఇన్‌స్టాలోకి అడుగుపెట్టిన నయనతార.. తన భర్త విఘ్నేష్‌ శివన్‌ను అనుకోకుండా అన్‌ఫాలో చేసింది.

Cinema News | ఊళ్లో పెళ్లి జరుగుతుంటే అవేవో హడావిడి పడ్డాయట.. సోషల్‌ మీడియా పుణ్యమా అని చాలామంది ఇలాగే తయారయ్యారు. రంధ్రాన్వేషణే వీరి జీవన విధానం. ఇటీవల ఇన్‌స్టాలోకి అడుగుపెట్టిన నయనతార.. తన భర్త విఘ్నేష్‌ శివన్‌ను అనుకోకుండా అన్‌ఫాలో చేసింది. దీంతో ఖాళీగా ఉన్న కొందరు నెటిటజన్స్‌కి పని దొరికింది. నెట్టింట రకరకాల రూమర్లు మొదలుపెట్టారు. కొన్ని మీడియా సంస్థలైతే నయన్‌ దంపతులు విడిపోతున్నారంటూ ఏకంగా కథనాలే ప్రసారం చేశాయి.

దీంతో నయనతార అభిమానులు గందరగోళానికి గురయ్యారు. వాతావరణం వేడిగా మారడంతో నయన్‌కి కల్పించుకోక తప్పలేదు. రూమర్లకు చెక్‌ పెడుతూ ఇన్‌స్టాలో విఘ్నేష్‌ను ఫాలో అవ్వడం మొదలుపెట్టారు. విఘ్నేష్‌ కూడా ఆమె ఫొటోను తన ఇన్‌స్టా స్టోరీలో షేర్‌ చేశారు. దీంతో గాలివార్తలు రాసే రూమర్లవాళ్లంతా నిశ్శబ్దం అయిపోయారు.