Alia Bhatt | హాలీవుడ్‌కి బాలీవుడ్‌కి అదొక్కటే కష్టంగా అనిపించింది.. తన సమస్య చెప్పుకొచ్చిన ఆలియాభట్‌

Alia Bhatt | ఎలాంటి పాత్రలోనైనా తనదైన చక్కటి అభినయంతో మెప్పిస్తుంది బాలీవుడ్‌ అగ్ర కథానాయిక అలియాభట్‌. కథల ఎంపికలో కూడా ఆమె కొత్తదనానికి పెద్దపీట వేస్తుంది. ‘హార్ట్‌ ఆఫ్‌ స్టోన్‌' అనే చిత్రం ద్వారా ఈ భామ హాలీవుడ్‌లోకి అరంగేట్రం చేసిన విషయం తెలిసిందే. ఈ నెల 11న నెట్‌ఫ్లిక్స్‌ ద్వారా ఈ చిత్రం విడుదలకానుంది.

Alia Bhatt |  ఎలాంటి పాత్రలోనైనా తనదైన చక్కటి అభినయంతో మెప్పిస్తుంది బాలీవుడ్‌ అగ్ర కథానాయిక అలియాభట్‌. కథల ఎంపికలో కూడా ఆమె కొత్తదనానికి పెద్దపీట వేస్తుంది. ‘హార్ట్‌ ఆఫ్‌ స్టోన్‌’ అనే చిత్రం ద్వారా ఈ భామ హాలీవుడ్‌లోకి అరంగేట్రం చేసిన విషయం తెలిసిందే. ఈ నెల 11న నెట్‌ఫ్లిక్స్‌ ద్వారా ఈ చిత్రం విడుదలకానుంది. ఈ సందర్భంగా తన తొలి హాలీవుడ్‌ సినిమా విశేషాలను పంచుకుంది అలియాభట్‌.

ఆమె మాట్లాడుతూ ‘బాలీవుడ్‌, హాలీవుడ్‌..ఎక్కడైనా షూటింగ్‌ వాతావరణం ఒకేలా ఉంటుంది. అయితే ‘హార్ట్‌ ఆఫ్‌ స్టోన్‌’ షూటింగ్‌లో అమెరికా ఇంగ్లీష్‌ యాసను పలికించడం మాత్రం పెద్ద సవాలుగా అనిపించింది. నాకు ఇంగ్లీష్‌పై మంచి పట్టుంది. హిందీ సినిమా షూటింగ్స్‌లో కూడా ఇంగ్లీష్‌లోనే ఎక్కువగా మాట్లాడుకుంటాం. అయితే హాలీవుడ్‌ సినిమాలో నటించడం తొలిసారి కాబట్టి ఆ యాసలో డైలాగ్స్‌ చెప్పడం కష్టంగా అనిపించింది. ఓ వారం ప్రాక్టీస్‌ అనంతరం ఆ యాసపై పట్టు దొరికింది. ఒక్క యాస విషయంలో తప్ప హాలీవుడ్‌లో నాకు ఎలాంటి సమస్యలు ఎదురుకాలేదు’ అని చెప్పింది. అలియాభట్‌ నటించిన ‘రాఖీ ఔర్‌ రాణీకి ప్రేమ్‌ కహానీ’ ఇటీవలే ప్రేక్షకుల ముందుకొచ్చింది.