Akshay Kumar | చిత్రపరిశ్రమలో.. బురద జల్లుకోవడం పరిపాటైపోయింది: అక్షయ్‌కుమార్‌

‘ఎదిగే వారిని సాటివాళ్లే కిందికి లాగడం సహజంగా పాలిటిక్స్‌లో జరుగుతుంటుంది. ఇప్పుడు చిత్రపరిశ్రమలో కూడా జరుగుతోంది.’ అంటూ ఆవేదన వ్యక్తం చేశారు బాలీవుడ్‌ సూపర్‌స్టార్‌ అక్షయ్‌కుమార్‌.

Akshay Kumar | ‘ఎదిగే వారిని సాటివాళ్లే కిందికి లాగడం సహజంగా పాలిటిక్స్‌లో జరుగుతుంటుంది. ఇప్పుడు చిత్రపరిశ్రమలో కూడా జరుగుతోంది.’ అంటూ ఆవేదన వ్యక్తం చేశారు బాలీవుడ్‌ సూపర్‌స్టార్‌ అక్షయ్‌కుమార్‌. ఆయన నటించిన ‘సర్ఫిరా’ చిత్రం శుక్రవారం విడుదలైంది. ప్రమోషన్‌లో భాగంగా ఇచ్చిన ఇంటర్‌వ్యూలో ఆసక్తికరంగా మాట్లాడారు అక్షయ్‌కుమార్‌ ‘నాది 34ఏళ్ల కెరీర్‌. ఒప్పుకున్న సినిమాకోసం ఎంతకష్టాన్నయినా ఇష్టంగా అనుభవిస్తా.

నేను ఒకేసారి 17 సినిమాలకు పనిచేసిన రోజులున్నాయి. అవన్నీ 8నెలల కాలంలో విడుదలయ్యాయి. అది రికార్డ్‌. నేను హిట్స్‌ ఇస్తున్న రోజుల్లో నా గురించి అందరూ గొప్పగా మాట్లాడేవారు. ఇప్పుడు నా సినిమాలు కొన్ని ఫ్లాపులయ్యే సరికి వేరే విధంగా మాట్లాడుతున్నారు. పైగా కెరీర్‌కి ఇబ్బంది కలిగేలా కూడా ప్రవర్తిస్తున్నారు. వారెవరో తెలుసుకోవాల్సిన అవసరం నాకు లేదు. ఆలోచించను కూడా. పొలిటీషియన్స్‌ ఒకరినొకరు తిట్టుకున్నట్టు హీరో ఇంకో హీరోపై, దర్శకుడు మరో దర్శకుడిపై, అలాగే నిర్మాతలు ఒకరిపై ఒకరు బురద జల్లుకోవడం పరిపాటైపోయింది. ఈ విధానం సమాజానికి మంచిది కాదు’ అంటూ వాపోయారు అక్షయ్‌కుమార్‌.