Agent Movie | అక్కినేని నట వారసుడు అఖిల్ కమర్షియల్ హిట్టు కోసం ఎంతగానో ఎదురుచూస్తున్నాడు. కెరీర్ ఆరంభం నుంచి వరుస ఫ్లాపుల్లో ఉన్న అఖిల్కు ‘మోస్ట్ ఎలిజిబుల్ బ్యాచ్లర్’ కాస్త ఊరటనిచ్చింది. కానీ ఈ చిత్రం అఖిల్కు మాత్రం కమర్షియల్ హిట్టును ఇవ్వలేకపోయింది. దాంతో ఈ సారి ఎలాగైనా బ్లాక్బస్టర్ హిట్టు కొట్టాలని సురేందర్ రెడ్డితో చేతులు కలిపాడు. ప్రస్తుతం వీళ్ళ కాంబోలో తెరకెక్కుతున్న చిత్రం ‘ఏజెంట్’. అఖిల్ ఈ చిత్రం కోసం పూర్తీగా మేకోవర్ అయినట్లు గతంలో విడుదలైన పోస్టర్లను చూస్తే తెలుస్తుంది. కండలు తిరిగిన దేహంతో అఖిల్ ‘రా ఏజెంట్’గా ఈ చిత్రంలో కనిపించనున్నాడు. పాన్ ఇండియా సినిమాగా తెరకెక్కతున్న ఈ చిత్రాన్ని ఆగస్టు 12న విడుదల కానుంది.
ఈ క్రమంలో ఏజెంట్ చిత్రానికి సంబంధించిన ఓ వార్త నెట్టింట వైరల్గా మారింది. ఈ సినిమా డిజిటల్ రైట్స్ను అమేజాన్ ప్రైమ్ సొంతం చేసుకుంది. తెలుగుతో పాటు అన్ని భాషల హక్కులను ప్రైమ్ సంస్థ భారీ ధరకు కొనుగోలు చేసినట్లు సమాచారం. త్వరలోనే దీనిపై అధికారికంగా ప్రకటన రానుంది.మలయాళ స్టార్ మమ్ముట్టి కీలక పాత్రలో నటిస్తున్న ఈ చిత్రాన్ని ఏకే ఎంటర్టైనమెంట్స్ బ్యానర్తో కలిసి సురేందర్ రెడ్డి స్వీయ నిర్మాణంలో తెరకెక్కిస్తున్నాడు. అఖిల్కు జోడీగా సాక్షీ వైద్య హీరోయిన్గా నటిస్తుంది.