Visit:
Ajay Devgn | బాలీవుడ్ స్టార్ హీరో అజయ్ దేవ్గన్ ప్రధాన పాత్రలో, ప్రముఖ దర్శకుడు నిర్మాత ఆనంద్ ఎల్ రాయ్ కలయికలో రాబోతున్న కొత్త సినిమా ‘చౌహాన్’ టైటిల్ను అధికారికంగా ప్రకటించారు. ఈ ప్రతిష్టాత్మక చిత్రానికి సంబంధించిన టైటిల్ అనౌన్స్మెంట్ వీడియోను మేకర్స్ తాజాగా విడుదల చేశారు. విడుదలైన వీడియోలో అజయ్ దేవ్గన్ లుక్ చాలా ఇంటెన్స్గా, రగ్డ్గా కనిపించి అభిమానులను ఆకట్టుకుంటోంది.
ఈ సినిమా కాశ్మీర్ పుల్వామా బ్యాక్డ్రాప్లో తెరకెక్కుతోందని బాలీవుడ్ వర్గాల సమాచారం. మిలిటరీ నేపథ్యంలో సాగే పవర్ఫుల్ యాక్షన్ డ్రామాగా ఈ చిత్రం ఉండబోతోంది. యుద్ధ వాతావరణం, పవర్ఫుల్ బ్యాక్గ్రౌండ్ స్కోర్తో కట్ చేసిన అనౌన్స్మెంట్ వీడియో సినిమాపై అంచనాలను భారీగా పెంచేసింది. ఆనంద్ ఎల్ రాయ్ మార్క్ ఎమోషన్స్, అజయ్ దేవ్గన్ కిరాక్ యాక్షన్ ఎలిమెంట్స్ ఈ చిత్రంలో కలవనున్నాయి. జియో స్టూడియోస్కు చెందిన జ్యోతి దేశ్పాండే, ఆనంద్ ఎల్ రాయ్ కలర్ ఎల్లో ప్రొడక్షన్స్, హిమాన్షు శర్మ కలిసి ఈ చిత్రాన్ని భారీ బడ్జెట్తో నిర్మిస్తున్నారు. నీరజ్ యాదవ్ ఈ సినిమాకు దర్శకత్వంతో పాటు కథను అందిస్తున్నారు. విభిన్నమైన కథాంశంతో రూపొందుతున్న ‘చౌహాన్’ అజయ్ దేవ్గన్ కెరీర్లో మరో మైలురాయిగా నిలవనుంది.
