కథను బట్టే నా సంగీతం

‘కాన్సెప్ట్‌తోపాటు సన్నివేశం తాలూకు భావోద్వేగాలను సరిగ్గా వెల్లడిస్తే.. మంచి సంగీతం ఆటోమేటిగ్గా వస్తుంది. ఈ విషయంలో దర్శకులు క్లారిటీగా ఉండాలి. ఓ లిరిసిస్ట్‌ అయినా కాన్సెప్ట్‌ చెబితేనే మంచి సాహిత్యం ఇవ్వగలరు.

‘కాన్సెప్ట్‌తోపాటు సన్నివేశం తాలూకు భావోద్వేగాలను సరిగ్గా వెల్లడిస్తే.. మంచి సంగీతం ఆటోమేటిగ్గా వస్తుంది. ఈ విషయంలో దర్శకులు క్లారిటీగా ఉండాలి. ఓ లిరిసిస్ట్‌ అయినా కాన్సెప్ట్‌ చెబితేనే మంచి సాహిత్యం ఇవ్వగలరు. కానీ ప్రస్తుతం కొందరు దర్శకులకు ఈ విషయంలో క్లారిటీ ఉండటం లేదు. అందుకే కథ, కథనం, ఎమోషన్స్‌ అన్నీ సవివరంగా తెలుసుకొనే సంగీతం ఇస్తాను’ అంటున్నారు సంగీత దర్శకుడు అజయ్‌ అరసాడ. ఆయ్‌, సేవ్‌ ది టైగర్స్‌, వికటకవి, గుర్తుకొస్తున్నాయి చిత్రాలతో సంగీత దర్శకుడిగా మంచి గుర్తింపు తెచ్చుకున్నారాయన.

ప్రస్తుతం సినీ సంగీత ప్రయాణంలో బిజీగా ఉన్న అజయ్‌ అరసాడ తన కెరీర్‌కు సంబంధించిన ఆ సక్తికరమైన విషయాలను వెల్లడించారు. ‘సంగీతం నా రక్తంలోనే ఉన్నది. దేవిశ్రీప్రసాద్‌ నాకు స్ఫూర్తి. మిత్రుడు శ్రీచరణ్‌ ద్వారా ‘గూఢచారి’ సినిమాకు కీబోర్డ్‌ ప్రోగ్రామర్‌గా పనిచేసే అవకాశం దక్కింది. తర్వాత ‘ఆయ్‌’తో సంగీతదర్శకుడ్ని అయ్యాను. ‘సేవ్‌ ది టైగర్స్‌’ కూడా నాకు మంచి గుర్తింపునిచ్చింది’ అని పేర్కొన్నారు అజయ్‌ అరసాడ. ‘అన్ని జానర్ల కథలకూ పనిచేయాలనుంది. నా వద్దకు మాస్‌ కథతో వస్తే మాస్‌ మ్యూజిక్‌ వస్తుంది. క్లాస్‌ కథతో వస్తే క్లాస్‌ మ్యూజిక్‌ వస్తుంది. కథను బట్టే నా సంగీతం ఉంటుంది. సంగీత దర్శకుడిగా నేనేంటో తెలియజెప్పే సరైన అవకాశం కోసం ఎదురు చూస్తున్నా’ అని తెలిపారు అజయ్‌ అరసాడ.