Visit:
Adivi Sesh | ఎలాంటి సినీ నేపథ్యం లేకుండా టాలీవుడ్లో తనకంటూ ప్రత్యేక గుర్తింపు తెచ్చుకున్న అడివి శేష్ ప్రస్తుతం వరుస విజయాలతో దూసుకుపోతున్నాడు. విభిన్న కథలతో ప్రేక్షకులను ఆకట్టుకుంటూ సక్సెస్ ఫుల్ హీరోగా నిలిచిన శేష్, ఇప్పుడు తన కొత్త సినిమా డెకాయిట్తో ప్రేక్షకుల ముందుకు రానున్నాడు. ఈ చిత్రం ఏప్రిల్ 10న విడుదలకు సిద్ధమవుతుండగా, ప్రమోషన్స్లో బిజీగా ఉన్నాడు. ఇటీవల ఒక టీవీ షోలో పాల్గొన్న శేష్ తన వ్యక్తిగత జీవితానికి సంబంధించిన ఆసక్తికర విషయాలను పంచుకున్నాడు. ముఖ్యంగా తన ప్రేమ కథ గురించి చెప్పడంతో అది సోషల్ మీడియాలో వైరల్గా మారింది.
శేష్ మాట్లాడుతూ, అమెరికాలో చదువుకుంటున్న సమయంలోనే ఒక అమ్మాయితో ప్రేమలో పడ్డానని తెలిపాడు. ఆ సమయంలో సినిమాలపై ఆసక్తితో అక్కడే ప్రయత్నాలు మొదలుపెట్టినప్పటికీ, తన వ్యక్తిగత జీవితం కూడా అదే సమయంలో కొత్త మలుపు తిరిగిందని చెప్పాడు. ప్రేమలో మునిగిపోయిన తాను ఆ అమ్మాయి కోసం దేశం దాటి కెనడా వరకు వెళ్లినట్లు వెల్లడించాడు. అయితే ఆ ప్రేమ కథ ఎక్కువ కాలం నిలవలేదని, చివరికి లవ్ ఫెయిల్యూర్తో ముగిసిందని శేష్ చెప్పుకొచ్చాడు. ఆ అనుభవం తన జీవితంలో ఒక పెద్ద పాఠం నేర్పిందని, తరువాత కెరీర్పై పూర్తిగా దృష్టి పెట్టడానికి అదే కారణమైందని వెల్లడించాడు.
ఇండస్ట్రీలో ఎలాంటి గాడ్ఫాదర్ లేకుండా అడుగుపెట్టిన శేష్, తన కృషితోనే ఒక్కో మెట్టు ఎక్కుతూ ఈ స్థాయికి చేరుకున్నాడు. ఇప్పుడు అతను చేసే ప్రతి సినిమా కూడా ప్రత్యేకతతో ప్రేక్షకుల ముందుకు వస్తుండటంతో, డెకాయిట్ పై కూడా మంచి అంచనాలు నెలకొన్నాయి. ఇక ఈ ప్రేమకథ బయటకు రావడంతో అభిమానులు శేష్ వ్యక్తిగత జీవితంపై మరింత ఆసక్తి చూపుతున్నారు. కెరీర్లో విజయాలు సాధించిన అతని జీవితం వెనుక ఇలాంటి భావోద్వేగ కథ ఉందని తెలుసుకుని సోషల్ మీడియాలో నెటిజన్స్ క్రేజీ కామెంట్స్ చేస్తున్నారు.
