Adivi Sesh: డెంగ్యూ ఫీవ‌ర్‌తో ఆసుప‌త్రిలో చేరిన యువ హీరో..!

ప్ర‌స్తుతం తెలుగు రాష్ట్రాల‌లో డెంగ్యూ కేసులు వ‌ణుకు పుట్టిస్తున్నాయి. సామాన్యుల‌తో పాటు సెల‌బ్రిటీల‌కు కూడా డెంగ్యూ బారిన ప‌డుతున్నారు. తాజాగా యువ హీరో అడివి శేష్ డెంగ్యూ బారిన ప‌డ్డ‌ట్టు తెలుస్తుంది. గతవారం ప్లేట్ లెట్స్ సడెన్ గా పడిపోవడంతో .. ఈ నెల 18న ఆసుప‌త్రిలో అడ్మిట్ అయిన‌ట్టు స‌మాచారం. ప్ర‌త్యేక వైద్య బృందం అడివి శేష్‌కి వైద్యం అందిస్తున్నారు. ఆయ‌న హెల్త్ కండీష‌న్ గురించి అధికారికంగా వెల్లడించ‌నున్నారు.

ప్ర‌స్తుతం అడివి శేష్ 26/11 ముంబై టెర్రర్ అటాక్ లో అమరవీరుడైన ఆర్మీ ఆఫీసర్ మేజర్ సందీప్ ఉన్నికృష్ణన్ జీవితం ఆధారంగా మేజ‌ర్ అనే సినిమా చేస్తున్నారు. శశికిరణ్ తిక్క దర్శకత్వంలో మహేష్ బాబు జిఎంబి ఎంటర్టైన్మెంట్, ఏ ప్ల‌స్ ఎస్‌ మూవీస్ సహకారంతో సోనీ పిక్చర్స్ ఫిల్మ్స్ ఇండియా ఈ మూవీని నిర్మిస్తోంది. ఇందులో శోభితా ధూళిపాల, సాయి మంజ్రేకర్, ప్రకాష్ రాజ్, రేవతి, మురళి శర్మ ముఖ్య పాత్రల్లో నటించారు.