Adipurush Movie New Release Date | ప్రభాస్ ప్రస్తుతం ఓ మంచి కంబ్యాక్ కోసం ఎదురు చూస్తున్నాడు. ఈ ఏడాది ఈయన నటించిన ‘రాధేశ్యామ్’ డిజాస్టర్ కావడంతో ప్రభాస్ ఆశలన్ని ‘ఆదిపురుష్’ పైనే ఉన్నాయి. ఓం రౌత్ దర్శకత్వం వహించిన ఈ చిత్రం మైథలాజికల్ కాన్సెప్ట్తో తెరకెక్కింది. ఇప్పటికే చిత్రం నుండి రిలీజైన పోస్టర్లకు మంచి స్పందన వచ్చింది. అయితే ఇటీవలే రిలీజైన టీజర్కు మాత్రం ప్రేక్షకుల నుండి మిశ్రమ స్పందన వచ్చింది. VFXపై తీవ్రంగా విమర్షలు వ్యక్తం అయ్యాయి. వీఎఫ్ఎక్స్ సరిగా లేవని, దీనికంటే వీడియో గేమ్ వీఎఫ్ఎక్స్ బాగుందని పలువురు కామెంట్స్ చేశారు. దాంతో చిత్రబృందం మరోసారి వీఎఫ్ఎక్స్ని మెరుగ్గా తీర్చిదిద్దాలని నిర్ణయించుకుందట.
‘ఆదిపురుష్’ చిత్రాన్ని వచ్చే ఏడాది సంక్రాంతి కానుకగా రిలీజ్ చేయనున్నట్లు చిత్రబృందం గతంలోనే ప్రకటించింది. అయితే టీజర్కు మిశ్రమ స్పందన రావడంతో వీఎక్స్పై మరింత సమయం కేటాయించాలని నిర్ణయించుకుంది. దాంతో ఈ చిత్రాన్ని మరోసారి వాయిదా వేస్తున్నట్లు చిత్రబృందం పేర్కొంది. ప్రేక్షకులకు మంచి విజువల్ ఎక్స్పీరియెన్స్ అందించాలని, వీఎఫ్ఎక్స్ను మరింత మెరుగ్గా తీర్చిదిద్దాలని నిర్ణయించుకున్నట్లు తెలిపింది. ఈ క్రమంలో ఆదిపురుష్ మూవీను జూన్ 16కు పోస్ట్ పోన్ చేస్తున్నట్లు అధికారికంగా ప్రకటించింది.
రామాయణం ఆధారంగా తెరకెక్కిన ఈ చిత్రంలో ప్రభాస్ రాముడి పాత్రలో నటించాడు. ప్రభాస్కు జోడీగా కృతిసనన్ సీత పాత్రలో కనిపించనుంది. బాలీవుడ్ స్టార్ సైఫ్ అలీఖాన్ రావణాసురుడి పాత్రలో నటించాడు. ఈ చిత్రాన్ని టీ సిరీస్, రెట్రో ఫైల్స్ సంస్థలు సంయుక్తంగా నిర్మించాయి.
We are announcing the new release date of our upcoming movie 'Adipurush'! #Adipurush on 16th June, 2023!#Prabhas @omraut #SaifAliKhan @mesunnysingh #Pramod #Vamsi #BhushanKumar #KrishanKumar @vfxwaala @rajeshnair06 #ShivChanana @manojmuntashir @TSeries @UV_Creations pic.twitter.com/MaOK8aN2Wt
— UV Creations (@UV_Creations) November 7, 2022