Poorna | సీమ టపాకాయ్, అవును, రాజు గారి గది సినిమాలతో తెలుగులో మంచి ఫ్యాన్ ఫాలోయింగ్ సంపాదించుకుంది కేరళ కుట్టి పూర్ణ (షమ్నా ఖాసీమ్) (Poorna). గతేడాది అఖండ చిత్రంలో కీలక పాత్రలో మెరిసిన ఈ భామ ఇటీవలే నాని హీరోగా నటించిన దసరా చిత్రంలో కీ రోల్ పోషించింది. పూర్ణ ప్రముఖ బిజినెస్ మెన్ షానిద్ అసిఫ్ అలీ (Shanid Asif Ali)ని పెళ్లి చేసుకున్న విషయం తెలిసిందే. పూర్ణ తన ఫాలోవర్లతో శుభవార్త షేర్ చేసుకుంది.
పూర్ణ పండంటి మగబిడ్డకు జన్మనిచ్చింది. ఈ విషయాన్ని ఇన్ స్టాగ్రామ్ ద్వారా అందరితో పంచుకుంది. పూర్ణ ఆస్పత్రి బెడ్పై తన కొడుకును ఒడిలో పెట్టుకుని వైద్య బృందంతో కలిసి దిగిన ఫొటోను పోస్ట్ చేసింది. డాక్టర్ ఫాతిమా సఫా అండ్ టీంకు ధన్యవాదాలు తెలియజేసింది. షానిద్ అసిఫ్ అలీ-పూర్ణ దంపతులు తమ కొడుకును ఆప్యాయంగా ముద్దాడుతున్న స్టిల్ ఇప్పుడు నెట్టింట వైరల్ అవుతోంది. ఈ శుభసందర్భంగా పూర్ణకు అభిమానులు, ఫాలోవర్లు శుభాకాంక్షలు తెలియజేస్తున్నారు.
పూర్ణ నెక్ట్స్ అసలు సినిమాలో కనిపించనుండగా.. ఈ చిత్రం ఏప్రిల్ 13న ETV WIN appలో ప్రీమియర్ కానుంది. మరోవైపు మిస్కిన్ డైరెక్ట్ చేస్తున్న పాన్ ఇండియా ఫిలిం పిసాసు 2లో వన్ ఆఫ్ ది కీ రోల్లో నటిస్తోంది. ఈ చిత్రంలో కోలీవుడ్ భామ ఆండ్రియా జెర్మియా ప్రధాన పాత్రలో నటిస్తోంది.
ఆస్పత్రిలో వైద్య బృందంతో ఇలా..