Anjali Raghav | అసభ్యంగా నడుమును తాకిన హీరో.. ఇండస్ట్రీని వీడితున్నట్లు ప్రకటించిన హీరోయిన్‌ అంజలి..!

Anjali Raghav | ఇటీవల భోజ్‌పురి హీరో పవన్‌ సింగ్‌ అసభ్యంగా ప్రవర్తిస్తూ హీరోయిన్‌ అంజలి రాఘవ్‌ నడుమును తాకిన విషయం తెలిసిందే. ఈ ఘటన సర్వత్రా విమర్శలకు దారి తీసింది. పలువురు హీరో తీరుపై మండిపడ్డారు. తాజాగా హీరోయిన్‌ అంజలి రాఘవ్‌ సంచలన నిర్ణయం తీసుకున్నారు.

Anjali Raghav | ఇటీవల భోజ్‌పురి హీరో పవన్‌ సింగ్‌ అసభ్యంగా ప్రవర్తిస్తూ హీరోయిన్‌ అంజలి రాఘవ్‌ నడుమును తాకిన విషయం తెలిసిందే. ఈ ఘటన సర్వత్రా విమర్శలకు దారి తీసింది. పలువురు హీరో తీరుపై మండిపడ్డారు. తాజాగా హీరోయిన్‌ అంజలి రాఘవ్‌ సంచలన నిర్ణయం తీసుకున్నారు. ఇటీవల లక్నోలో జరిగిన ఒక పాట ప్రమోషన్ ఈవెంట్‌లో జరిగిన ఘటనతో మనస్తాపానికి గురైనట్లు తెలిపారు. ‘సైయా సేవా కరే’ పాట ప్రచార కార్యక్రమం సందర్భంగా వేదికపై మాట్లాడుతున్న అంజలి దగ్గరకు హీరో పవన్ సింగ్ వచ్చాడు. ఆమె అనుమతి లేకుండా ఆమె నడుమును తాకాడు. చీరపై ట్యాగ్ ఉందని, దాన్ని తీసేందుకు అలా చేశానని పవన్ చెప్పినట్లు వీడియోలో వినిపించింది. ఆ క్షణంలో అంజలి నవ్వినప్పటికీ, ఆమె ముఖంలో అసౌకర్యం స్పష్టంగా కనిపించింది.

ఈ వీడియో సోషల్ మీడియాలో వైరల్ కావడంతో అంజలి రెండు రోజుల తర్వాత ఇన్‌స్టాగ్రామ్‌లో స్పందిస్తూ తన మనోవేదనను బయటపెట్టారు. ‘నన్నే తప్పు పట్టి మీమ్స్ చేస్తున్నారు. బహిరంగంగా ఎవరో తాకితే దాన్ని ఎవరైనా ఆనందంగా స్వీకరిస్తారా? ఆ సమయంలో కొత్త చీర కావడంతో ట్యాగ్ ఉందేమోనని అనుకున్నాను. కానీ, ఆ తర్వాత ఏమీ లేదని తెలిసి కన్నీళ్లు ఆగలేదు. ఇదేందని నిలదీసేలోగానే పవన్ సింగ్ అక్కడి నుంచి వెళ్లిపోయాడు’ అంటూ చెప్పుకొచ్చింది. ఈ ఘటన తనపై తీవ్ర ప్రభావం చూపిందని, అందుకే భోజ్‌పురి సినిమా ఇండస్ట్రీని పూర్తిగా వదిలేయాలని నిర్ణయించుకున్నట్లు ఆమె స్పష్టంచేశారు. ‘ఎవరి అనుమతి లేకుండా వారిని తాకడం ఎప్పటికీ సమంజసం కాదు. ఇకపై నా కుటుంబంతో కలిసి హర్యానాలోనే జీవిస్తాను’ అంటూ అంజలి ప్రకటించారు. ఈ సంఘటనపై సోషల్ మీడియాలో పెద్ద చర్చ జరుగుతున్నది. చాలా మంది నెటిజన్లు అంజలి రాఘవ్‌కు మద్దతుగా నిలిచారు.

Anjali Raghav को शायद पता नहीं था पवन सिंह पहले लेते है, फिर काम देते है! 😂🤦‍♀️🥵 pic.twitter.com/IX14pWNdPi

— कामिनी यादव (@kaminiyadav92) August 30, 2025