Abishan Jeevinth | హీరోగా ‘టూరిస్ట్ ఫ్యామిలీ’ ద‌ర్శ‌కుడు.. ‘విత్ లవ్’ టీజర్ విడుదల!

Abishan Jeevinth | 'టూరిస్ట్ ఫ్యామిలీ' (Tourist Family) సినిమాతో ఒక్కసారిగా ఇండస్ట్రీ దృష్టిని ఆకర్షించిన దర్శకుడు అభిషన్ జీవింత్ ఇప్పుడు హీరోగా కొత్త ప్రయాణాన్ని ప్రారంభించబోతున్నారు.

Abishan Jeevinth | ‘టూరిస్ట్ ఫ్యామిలీ’ (Tourist Family) సినిమాతో ఒక్కసారిగా ఇండస్ట్రీ దృష్టిని ఆకర్షించిన దర్శకుడు అభిషన్ జీవింత్ ఇప్పుడు హీరోగా కొత్త ప్రయాణాన్ని ప్రారంభించబోతున్నారు. ఆయన నటిస్తున్న తాజా చిత్రం ‘విత్ లవ్’ (With Love). ఈ సినిమాకు మ‌ద‌న్ ద‌ర్శ‌క‌త్వం వ‌హిస్తుండ‌గా.. మ‌ల‌యాళీ బ్యూటీ అన‌స్వ‌రా రాజ‌న్ క‌థానాయిక‌గా న‌టిస్తుంది. ప్రముఖ నటుడు రజనీకాంత్ కుమార్తె సౌందర్య రజనీకాంత్ ఈ సినిమాను నిర్మిస్తుంది. ఇప్ప‌టికే షూటింగ్ పూర్తి చేసుకున్న ఈ చిత్రం వ‌చ్చే ఏడాది ఫిబ్ర‌వ‌రిలో ప్రేక్ష‌కుల ముందుకు రాబోతుంది. ఈ సంద‌ర్భంగా మూవీ నుంచి టైటిల్ టీజ‌ర్‌ను విడుద‌ల చేసింది చిత్ర‌బృందం. ఈ టీజ‌ర్ చూస్తుంటే ల‌వ్ బ్యాక్‌డ్రాప్‌లో ఈ సినిమా రాబోతుంది. ఈ సినిమాకు సీన్ రోల్డాన్ సంగీతం అందిస్తుండగా, శ్రేయాస్ కృష్ణ సినిమాటోగ్రఫీ నిర్వహిస్తున్నారు. కావ్య అనిల్, స‌చిన్ నాచిప్ప‌న్‌, తేని మురుగ‌న్‌, శ‌ర‌వ‌ణ‌న్ త‌దిత‌రులు ఈ చిత్రంలో కీల‌క పాత్ర‌ల్లో న‌టిస్తున్నారు.