Visit:
Aamir Khan | కోలీవుడ్ స్టార్ డైరెక్టర్ల జాబితాలో టాప్లో ఉంటాడు లోకేశ్ కనగరాజ్. ఈ మల్టీ టాలెంటెడ్ డైరెక్టర్ బాలీవుడ్ స్టార్ యాక్టర్ అమీర్ ఖాన్తో ఓ సూపర్ హీరో ఫిల్మ్ సినిమా చేసేందుకు ప్లాన్ చేశాడు. అయితే సృజనాత్మక విభేదాల కారణంగా ఈ ప్రాజెక్ట్ వర్కవుట్ కాలేదు. ఇదిలా ఉంటే ఇప్పుడు మరో ఆసక్తికర వార్త నెట్టింట రౌండప్ చేస్తూ మూవీ లవర్స్లో క్యూరియాసిటీ పెంచేస్తుంది. అమీర్ ఖాన్ మరో దర్శకుడితో సూపర్ హీరో సినిమాను ప్లాన్ చేస్తున్నాడట.
అమీర్ ఖాన్ ప్రస్తుతం పాపులర్ ప్రొడ్యూసర్ సాజిత్ నడియావాలాతో చర్చలు కొనసాగిస్తున్నాడని బాలీవుడ్ హంగామా కథనంలో రాసుకొచ్చింది. పా, చుప్, ప్యాడ్మ్యాన్ లాంటి సినిమాలు తెరకెక్కించిన ఆర్ బాల్కీ ఈ చిత్రాన్ని డైరెక్ట్ చేయబోతున్నాడు. ప్రాథమిక దశలో ఉన్న ఈ మూవీ స్క్రిప్ట్ వర్క్ చురుకుగా కొనసాగుతుందని ఇన్సైడ్ టాక్. ఒక్కసారి ఫైనల్ స్క్రిప్ట్ రెడీ అయితే అమీర్ ఖాన్ అధికారికంగా సైన్ చేయనున్నాడని టాక్ నడుస్తోంది.
ఇదే నిజమైతే అభిమానులకు పండగే అన్నమాట. ప్రస్తుతం అమీర్ ఖాన్ Lalkaara సినిమాకు గ్రీన్ సిగ్నల్ ఇచ్చాడు. 1952 ఇండియా-పాకిస్థాన్ టెస్ట్ సిరీస్ నేపథ్యంలో సాగే స్పోర్ట్స్ డ్రామాగా రాబోతుంది. అశుతోష్ గోవారికర్ డైరెక్ట్ చేస్తున్న ఈ చిత్రం ఈ ఏడాది చివరలో సెట్స్పైకి వెళ్లనుంది.
Brahmotsavams | ఏపీ సీఎంకు శ్రీవారి బ్రహ్మోత్సవాల ఆహ్వాన పత్రిక అందజేత
