Aadi Sai Kumar | ఆది సాయికుమార్‌ కథానాయకుడిగా డివోషనల్‌ థ్రిల్లర్‌ షణ్ముఖ

మైథాలజీతో కూడిన థ్రిల్లర్‌ చిత్రాలకు ప్రస్తుతం మంచి గిరాకీ ఉంది. కార్తికేయ2, కాంతారా, హను-మాన్‌, కల్కి సినిమాలే అందుకు నిదర్శనాలు. ఆ కోవలోనే త్వరలో రానున్న డివోషనల్‌ థ్రిల్లర్‌ ‘షణ్ముఖ’.

Aadi Sai Kumar | మైథాలజీతో కూడిన థ్రిల్లర్‌ చిత్రాలకు ప్రస్తుతం మంచి గిరాకీ ఉంది. కార్తికేయ2, కాంతారా, హను-మాన్‌, కల్కి సినిమాలే అందుకు నిదర్శనాలు. ఆ కోవలోనే త్వరలో రానున్న డివోషనల్‌ థ్రిల్లర్‌ ‘షణ్ముఖ’. ఆది సాయికుమార్‌ కథానాయకుడిగా నటిస్తున్న ఈ చిత్రంలో అవికాగోర్‌ కథానాయిక. తులసీరామ్‌ సాప్పని, రమేశ్‌ యాదవ్‌లతో కలిసి షణ్మగం సాప్పని స్వీయదర్శకత్వంలో ఈ చిత్రాన్ని నిర్మిస్తున్నారు.

ప్రస్తుతం నిర్మాణానంతర కార్యక్రమాలు జరుగుతున్నాయి. ప్రమోషన్‌లో భాగంగా ఈ చిత్రానికి సంబంధించిన పోస్టర్‌ని సోమవారం విడుదల చేశారు. పోలీస్‌ యూనిఫామ్‌లో పవర్‌ఫుల్‌గా కనిపిస్తున్న ఆదిని ఈ పోస్టర్‌లో చూడొచ్చు. ఆయన వెనుక సుబ్రహ్మణ్యస్వామి కనిపిస్తుండటం ఈ పోస్టర్‌కు ప్రత్యేక ఆకర్షణ.

ఇప్పటివరకూ ఎవరూ టచ్‌ చేయని అద్భుతమైన పాయింట్‌తో సినిమాను తెరకెక్కిస్తున్నామని, పాన్‌ ఇండియా స్థాయిలో తెరకెక్కుతున్న ఈ సినిమాలో ప్రతి పాత్ర హైలైట్‌గా ఉంటుందని దర్శకుడు చెప్పాడు. ఈ చిత్రానికి సంగీతం: రవి బస్రూర్‌.