Aadarsha Kutumbam | ఆదర్శ కుటుంబం’ జోరు.. 24 గంటల్లోనే 2.14 లక్షలకు పైగా టికెట్లు అమ్మకం!

Aadarsha Kutumbam | విక్టరీ వెంకటేశ్‌ కథానాయకుడిగా, శ్రీనిధి శెట్టి కథానాయికగా, త్రివిక్రమ్‌ శ్రీనివాస్‌ దర్శకత్వంలో తెరకెక్కిన చిత్రం ‘ఆదర్శ కుటుంబం’. విడుదలకు ముందు ఈ సినిమాపై ప్రేక్షకుల్లో మంచి అంచనాలు నెలకొన్నాయి. అయితే సినిమా విడుదల వాయిదా పడుతూ రావడంతో క్రమంగా ఆ హైప్‌ తగ్గింది.

Aadarsha Kutumbam | విక్టరీ వెంకటేశ్‌ కథానాయకుడిగా, శ్రీనిధి శెట్టి కథానాయికగా, త్రివిక్రమ్‌ శ్రీనివాస్‌ దర్శకత్వంలో తెరకెక్కిన చిత్రం ‘ఆదర్శ కుటుంబం’. విడుదలకు ముందు ఈ సినిమాపై ప్రేక్షకుల్లో మంచి అంచనాలు నెలకొన్నాయి. అయితే సినిమా విడుదల వాయిదా పడుతూ రావడంతో క్రమంగా ఆ హైప్‌ తగ్గింది. దీంతో విడుదలైన తొలిరోజు ఉదయం ఆటల వరకు కూడా ఆశించిన స్థాయిలో స్పందన కనిపించలేదు. కానీ ఇప్పుడు పరిస్థితి పూర్తిగా మారిపోయింది. ప్రేక్షకుల నుంచి వస్తున్న స్పందనతో పాటు టికెట్‌ అమ్మకాలు కూడా ఒక్కసారిగా పెరగడంతో ‘ఆదర్శ కుటుంబం’ వార్తల్లో నిలిచింది.

తాజా గణాంకాల ప్రకారం, గత 24 గంటల్లో ఈ సినిమాకు ఏకంగా 2 లక్షల 14 వేలకుపైగా టికెట్లు అమ్ముడైనట్లు తెలుస్తోంది. ప్రారంభంలో కనిపించిన రెస్పాన్స్ తో పోలిస్తే ఇది గణనీయమైన పెరుగుదల. విడుదలైన తర్వాత ప్రేక్షకుల నుంచి వచ్చిన ఆదరణ సినిమాకు కొత్త ఊపునిచ్చినట్లు కనిపిస్తోంది. ముఖ్యంగా టాక్‌ బాగుండటంతో సినిమాను థియేటర్లలో చూడాలనే ఆసక్తి ప్రేక్షకుల్లో పెరుగుతోంది. సాధారణంగా పెద్ద హీరోల సినిమాలకు విడుదలకు ముందు భారీ ప్రచారం, ముందస్తు టికెట్‌ అమ్మకాలు కనిపిస్తాయి. అయితే ‘ఆదర్శ కుటుంబం’ విషయంలో మాత్రం విడుదల తర్వాత పరిస్థితి మారుతున్నట్లు కనిపిస్తోంది. మొదట్లో కొంత నెమ్మదిగా సాగిన టికెట్‌ అమ్మకాలు ఇప్పుడు వేగం పుంజుకోవడం చిత్ర బృందానికి ఊరటనిచ్చే అంశం. ప్రేక్షకుల నుంచి వస్తున్న స్పందన ఇదే విధంగా కొనసాగితే ఈ వారాంతంలో సినిమా వసూళ్లు మరింత పెరిగే అవకాశం ఉంది.

వెంకటేశ్‌ తనదైన నటనతో కుటుంబ ప్రేక్షకులను ఆకట్టుకునే ప్రయత్నం చేయగా, శ్రీనిధి శెట్టి కూడా కథలో కీలక పాత్ర పోషించారు. త్రివిక్రమ్‌ తనదైన శైలి సంభాషణలు, కుటుంబ నేపథ్యంలో సాగే కథతో ఈ చిత్రాన్ని తెరకెక్కించారు. ఎస్‌. థమన్‌ సంగీతం అందించగా, చినబాబు నిర్మాణ బాధ్యతలు చేపట్టారు. మొత్తానికి విడుదల రోజున ఆశించిన స్థాయిలో సందడి చేయలేకపోయిన ‘ఆదర్శ కుటుంబం’ ఇప్పుడు టికెట్‌ అమ్మకాలతో దూసుకుపోతోంది. గత 24 గంటల్లో 2.14 లక్షలకు పైగా టికెట్లు అమ్ముడవడం సినిమాకు మంచి సంకేతంగా మారింది. ఈ జోరు వారాంతంలోనూ కొనసాగితే బాక్సాఫీస్‌ వద్ద సినిమా మరింత మెరుగైన ఫలితాన్ని అందుకునే అవకాశం ఉంది