‘నా కెరీర్లో ఇప్పటివరకు చేసిన సినిమాల్లో ‘105 మినిట్స్’ చాలా ప్రత్యేకమైనది. ఒకే ఒక పాత్రతో, సింగిల్షాట్లో సినిమా చేయడం సరికొత్త ప్రయోగంగా భావిస్తున్నా’ అని చెప్పింది హన్సిక. ఆమె ప్రధాన పాత్రలో నటించిన చిత్రం ‘105 మినిట్స్’. రాజు దుస్సా దర్శకుడు. బొమ్మక్ శివ నిర్మాత. త్వరలో విడుదలకానుంది. ఇటీవల ఏర్పాటు చేసిన పాత్రికేయుల సమావేశంలో హన్సిక మాట్లాడుతూ ‘పూర్తి ప్రయోగాత్మక చిత్రమిది. ఇరవై నిమిషాల రెయిన్షాట్ ప్రధానాకర్షణగా నిలుస్తుంది. వినూత్న కథాంశంతో తెరకెక్కించిన ఈ చిత్రాన్ని ప్రేక్షకులు ఆదరించాలి’ అని తెలిపింది. ‘భారతీయ స్క్రీన్పై తొలిసారి ఒకే ఒక పాత్రతో ఎలాంటి ఎడిటింగ్ లేకుండా సింగిల్షాట్లో తీసిన చిత్రమిది. హన్సిక పాత్ర పూర్తిగా కొత్త పంథాలో ఉంటుంది. తెలుగు ప్రేక్షకులకు సరికొత్త అనుభూతినందించే చిత్రమవుతుంది’ అని దర్శకుడు చెప్పారు. ఆరురోజుల్లో చిత్రీకరణ పూర్తిచేశామని నిర్మాత బొమ్మక్ శివ తెలిపారు. ఈ చిత్రానికి కెమెరా: కిషోర్, సంగీతం: సామ్ సి యస్, దర్శకత్వం: రాజు దుస్సా.