NPS Tier II | క్రెడిట్ కార్డుతో ఎన్పీఎస్ టైర్‌-2 ఖాతాల చెల్లింపుపై బ్యాన్‌!

NPS Tier II | క్రెడిట్ కార్డుతో ఎన్పీఎస్‌ టైర్‌-2 ఖాతాల స‌బ్‌స్క్రిప్ష‌న్లు, కంట్రిబ్యూష‌న్ పేమెంట్స్‌ను పీఎఫ్ఆర్డీఏ నిషేధించింది.

NPS Tier II  | క్రెడిట్ కార్డు ద్వారా నేష‌న‌ల్ పెన్ష‌న్ ఫండ్ (ఎన్పీఎస్‌)లో స‌భ్యుల ప్రీమియం, స‌బ్‌స్క్రిప్ష‌న్ల చెల్లింపుల‌ను అనుమ‌తించ‌బోమ‌ని పెన్ష‌న్ ఫండ్ రెగ్యులేట‌రీ అండ్ డెవ‌ల‌ప్‌మెంట్ అథారిటీ (పీఎఫ్ఆర్డీఏ) ప్ర‌క‌టించింది. ఈ నిబంధ‌న‌ ఎన్పీఎస్ టైర్‌-2 ఖాతాల‌కు వ‌ర్తిస్తుంద‌ని తెలిపింది. త‌క్ష‌ణం ఎన్పీఎస్ టైర్‌-2 ఖాతాల‌కు క్రెడిట్ కార్డు ద్వారా చెల్లింపుల‌ను నిలిపేయాల‌ని అన్ని పాయింట్ ఆఫ్ ప్రెజెన్స్ (పీవోపీఎస్‌)ను ఆదేశించింది. ఈ మేర‌కు గురువారం పీఎఫ్ఆర్డీఏ స‌ర్క్యుల‌ర్ జారీ చేసింది. పెన్ష‌న్ ఫండ్ రెగ్యులేట‌రీ అండ్ డెవ‌ల‌ప్‌మెంట్ అథారిటీ యాక్ట్‌-2012 (పీఎఫ్ఆర్డీఏ యాక్ట్‌)లోని 14వ సెక్ష‌న్‌ను అనుస‌రించి ఈ నిర్ణ‌యం తీసుకున్న‌ట్లు పీఎఫ్ఆర్డీఏ తెలిపింది.

ఎన్పీఎస్‌లో టైర్‌-1 ఖాతా ఉన్న వారు స్వ‌చ్ఛందంగా టైర్‌-2 ఖాతా తెర‌వొచ్చు. మీరు టైర్‌-2 ఖాతా తెరిస్తే త‌ప్ప‌నిస‌రిగా క‌నీసం రూ.1000తో ఖాతా ఓపెన్ చేయాలి. త‌దుప‌రి కంట్రిబ్యూష‌న్లు రూ.250 చొప్పున ఎంత వ‌ర‌కైనా చేయొచ్చున‌ని తెలిపింది. ఎన్పీఎస్ టైర్‌-2 ఖాతాదారులు https://enps.nsdl.com/eNPS ద్వారా గానీ, ఎన్పీఎస్ మొబైల్ యాప్‌, డెబిట్ కార్డు, నెట్ బ్యాంకింగ్ ద్వారా చెల్లింపులు జ‌ర‌పాలి. పీవోపీ-ఎస్పీ, అనుబంధ నోడ‌ల్ ఆఫీసు ద్వారా గానీ స‌బ్‌స్క్రైబ‌ర్లు చెల్లింపులు చేయొచ్చు.