Hyper Car Batista | దేశీయ ఆటోమొబైల్ సంస్థ మహీంద్రా అండ్ మహీంద్రా ప్రపంచంలోకెల్లా శరవేగంగా దూసుకెళ్లగల ఎలక్ట్రిక్ కారు `ప్యూర్ ఎలక్ట్రిక్ హైపర్ జీటీ `బట్టిస్టా`ను మార్కెట్లోకి తెచ్చింది. రియల్ వరల్డ్ కండీషన్స్లో కేవలం 1.86 సెకన్లలోనే 100 కి.మీ. స్పీడ్ అందుకుంటుంది. 4.75 సెకన్లలో గంటకు 200 కి.మీ స్పీడ్తో దూసుకెళ్తుంది. స్టెబిలిటీ అండ్ బ్రేకింగ్ సిస్టమ్స్ ఆధారంగా కారు పని చేస్తుంది. 100 కి.మీ. స్పీడ్తో దూసుకెళ్తున్నా 31 మీటర్ల దూరంలో నిలిపేయవచ్చు. ఇటలీ లగ్జరీ కార్ల తయారీ బ్రాండ్ ఆటోమొబిలిటీ పినిన్ ఫారినాను సొంతం చేసుకున్నది మహీంద్రా అండ్ మహీంద్రా.
బట్టిస్టా కారు నాలుగు వీల్స్కు వేర్వేరుగా సెపరేట్గా మోటర్లు పని చేస్తాయి. ఈ మోటర్లతో మొత్తం 140 కిలోవాట్ల విద్యుత్ ఉత్పత్తి సామర్థ్యం ఉంటుంది. ఈ మోటార్స్ 1900 బీహెచ్పీ పవర్, 2300 ఎన్ఎం టార్చి వెలువరిస్తుంది. గరిష్టంగా గంటకు 350 కి.మీ వరకు దూసుకెళ్లగలుగుతుంది. ఐదు విభిన్న డ్రైవ్ మోడ్లతో బట్టిస్ట ప్రోగ్రామ్ డిజైన్ చేశారు.
హైపర్ జీటీ `బట్టిస్టా` 120 కిలోవాట్ల సామర్థ్యం గల లిథియం అయాన్ బ్యాటరీ ప్యాక్తో వస్తున్నది. ఇది సింగిల్ చార్జింగ్తోనే 476 కి.మీ దూరం ప్రయాణించడం దీని స్పెషాలిటీ. దీని బాడీ మొత్తం కార్బన్ ఫైబర్తోనే తయారు చేశారు. ఒక కారు అసెంబ్లింగ్కు 1250 గంటల టైం పడుతున్నది. కేవలం 150 యూనిట్లు మాత్రమే ఉత్పత్తి చేస్తుంది. దీని ధర రూ.19.45 కోట్లు పలుకుతుంది.