ITR Filing | గత ఆర్థిక సంవత్సర (2020-21) ఐటీ రిటర్న్స్ సమర్పించిన వారిలో దాదాపు సగం మంది ఐటీఆర్-1 సబ్మిట్ చేశారు. ఐటీఆర్-1 సమర్పించిన వారిలో చాలామంది వేతన జీవులే. దీన్ని సహజ్ అని కూడా పిలుస్తారు. వేతన జీవుల్లో, ఇతర మార్గాల్లో ఆదాయం సంపాదిస్తున్న వారిలో ఐటీఆర్-1 పత్రాలు సమర్పించేందుకు అర్హులు.. అనర్హుల గురించి తెలుసుకుందాం..
వ్యాపారం లేదా ఏదైనా వృత్తి ద్వారా సంపాదించే ఆదాయం.. ఆదాయంపన్ను చట్టంలోని 194 ఎన్ సెక్షన్ ప్రకారం పన్ను డిడక్ట్ అవుతుంది. కొన్నినిర్దిష్ట పరిస్థితుల మధ్య పరిమితులు దాటి నగదు విత్ డ్రాయల్స్ జరిపితే ఐటీ చట్టం 194ఎన్ కింద పన్ను డిడక్ట్ అవుతుంది.
వేతన జీవులు ఐటీఆర్-1 ఫామ్ సమర్పించడానికి అనుకూల పరిస్థితులు లేవని ఆందోళన చెందాల్సిన అవసరం లేదు. కంపెనీల్లో వాటాల కొనుగోలు దారులు, ఎన్నారైలు, హెచ్యూఎఫ్ సభ్యులు తదితర క్యాటగిరీల్లో పెట్టుబడులు పెట్టిన వారు ఐటీఆర్ సమర్పించడానికి విభిన్నమైన ఐటీఆర్ ఫామ్స్ దాఖలు చేయొచ్చు. ఉదాహరణకు స్వల్పకాలిక లేదా దీర్ఘకాలిక క్యాపిటల్స్ నుంచి లాభాలు పొందిన వారు.. తమ ఐటీఆర్ దాఖలు చేయడానికి ఐటీఆర్-2 సమర్పించొచ్చు. అలాగే వ్యక్తులు/ హెచ్యూఎఫ్ సభ్యులు వ్యాపారం, వృత్తుల ద్వారా సంపాదించే ఆదాయంపై ఐటీఆర్-3 సమర్పించొచ్చు.