WhatsApp | అకౌంట్ లాగిన్ కోసం వాట్సాప్ కొత్త ఫీచర్.. ఎలాగంటే..?!

WhatsApp | ఇక నుంచి వాట్సాప్ యూజర్లు తమ మొబైల్ ఫోన్ నంబర్ లేకుండానే తమ ఖాతా ఓపెన్ చేయొచ్చు. అందుకు ఈ-మెయిల్ (E-Mail) వెరిఫికేషన్ పూర్తి చేస్తే చాలు.. వాట్సాప్ అకౌంట్ ఓపెన్ అవుతుంది. 

WhatsApp | ప్రముఖ ఇన్‌స్టంట్ మెసేజింగ్ యాప్ వాట్సాప్ తన యూజర్ల కోసం మరో సరికొత్త ఫీచర్ తీసుకొస్తున్నది. ఇక నుంచి వాట్సాప్ యూజర్లు తమ మొబైల్ ఫోన్ నంబర్ లేకుండానే తమ ఖాతా ఓపెన్ చేయొచ్చు. అందుకు ఈ-మెయిల్ (E-Mail) వెరిఫికేషన్ పూర్తి చేస్తే చాలు.. వాట్సాప్ అకౌంట్ ఓపెన్ అవుతుంది. ఇప్పటి వరకూ కొత్త మొబైల్ నంబర్‌తో వాట్సాప్ లాగిన్ కావాలంటే ఫోన్ నంబర్ వెరిఫికేషన్ చేయడం తప్పనిసరిగా ఉంది. ఇందుకోసం మొబైల్ ఫోన్ నంబర్‌కు వచ్చే ఆరంకెల ఓటీపీ నమోదు చేయాలి.

ఒక్కోసారి మొబైల్ ఫోన్ నంబర్ పని చేయకపోయినా, నెట్ వర్క్ సరిగా లేకున్నా ఓటీపీ రాదు. దీనికి ఆల్టర్నేటివ్‌గానే వాట్సాప్ లాగిన్ కోసం ఈ-మెయిల్ వెరిఫికేషన్ ఫీచర్ అందుబాటులోకి తేవడానికి సిద్ధమవుతున్నది. ప్రస్తుతం ఈ ఫీచర్ టెస్టింగ్ కోసం ఐఓఎస్, ఆండ్రాయిడ్ బీటా యూజర్లకు అందుబాటులో ఉంది. త్వరలో సాధారణ యూజర్లందరికీ ఈ ఫీచర్ అందుబాటులోకి రానున్నది.