Vivo V29e | ప్రముఖ చైనా స్మార్ట్ ఫోన్ల తయారీ సంస్థ వివో.. తన వివో వీ29ఈ (Vivo V29e) ఫోన్ త్వరలో భారత్ మార్కెట్లో ఆవిష్కరించనున్నది. వివో వీ29ఈ ఫోన్ ప్రీమియం సెగ్మెంట్లో వస్తున్నదని తెలుస్తున్నది. డ్యుయల్ రేర్ కెమెరా సెటప్ ఉంటుందని సమాచారం. ఈ నెలాఖరు నాటికి దేశీయ మార్కెట్లోకి రానున్నది. వివో వీ29ఈ’తోపాటు వివో వీ29, వివో వీ29 లైట్ ఫోన్లు కూడా ఆవిష్కరిస్తారని సమాచారం.
గ్లాష్ ఫినిష్ విత్ కలర్ చేంజింగ్ గ్లాస్ ప్యానెల్తో వస్తుందని భావిస్తున్నారు. ఈ ఫోన్ ఆండ్రాయిడ్ -13 బేస్డ్ ఫన్ టచ్ ఓఎస్ 13 వర్షన్పై పని చేస్తుంది. 3డీ కర్వ్డ్ డిస్ ప్లే విత్ 120 హెర్ట్జ్ రీఫ్రెష్ రేట్తో వస్తుంది. 8 జీబీ రామ్ విత్ 128 జీబీ ఇంటర్నల్ స్టోరేజీ వేరియంట్, 8 జీబీ రామ్ విత్ 256 జీబీ ఇంటర్నల్ స్టోరేజీ వేరియంట్లలో లభిస్తుంది. క్వాల్ కామ్ స్నాప్ డ్రాగన్ 480 5జీ లేదా క్వాల్ కామ్ స్నాప్ డ్రాగన్ 480+ 5జీ ఎస్వోసీ చిప్ సెట్ తో వస్తుందని తెలుస్తున్నది. ఈ ఫోన్ బ్లూ, బ్లాక్ కలర్ ఆప్షన్లలో లభిస్తుంది.