కొండాపూర్, ఆగస్టు 17: ప్రముఖ నిర్మాణ సంస్థ హానర్ హోమ్స్ హైదరాబాద్లో సరికొత్త ప్రాజెక్టుకు శ్రీకారం చుట్టింది. అత్యాధునిక సౌకర్యాలతో, విలాసవంతంగా ‘హానర్ సిగ్నాటిస్’ బ్రోచర్ను గురువారం ఆవిష్కరించింది. హైటెక్ సిటీ సమీపంలోని ఐడీఎల్ లేక్ రోడ్డులో రూ.3 వేల కోట్లతో 27.5 ఎకరాల విస్తీర్ణంలో ఈ సరికొత్త ప్రాజెక్టును ప్రారంభించినట్లు కంపెనీ ప్రమోటర్, డైరెక్టర్ పీ వెంకటేశ్వర్లు తెలిపారు. ఇందులో రెరా అనుమతులతో 25 అంతస్థులతో 18 టవర్లుగా నిర్మిస్తున్నట్లు చెప్పారు. డిసెంబర్ 2026 నాటికి మొదటి ఫేజ్-1(9 బ్లాక్లు), ఆ తర్వాత ఆరు నెలల వ్యవధిలో ఫేజ్-2ని వినియోగదారులకు అందించనున్నట్లు తెలిపారు. ఇందులో 3 బీహెచ్కే, 3.5 బీహెచ్కే, 4 బీహెచ్కేలను చదరపు అడుగుకు రూ.7,499 నుంచి రూ.7,999 ధరతో అందిస్తున్నట్లు చెప్పారు.
అత్యాధునిక సౌకర్యాలతో కూడిన ఎమినిటీస్, స్పోర్ట్స్, క్లబ్ హౌజ్లను సైతం ఏర్పాటు చేస్తున్నట్లు తెలిపారు. వీటితోపాటు ప్రతి పార్కింగ్ ఏరియాలో ఎలక్ట్రిక్ వాహన చార్జింగ్ పాయింట్లను కూడా నెలకొల్పుతున్నది. 78 లక్షల చదరపు అడుగుల విస్తీర్ణంలో కొనసాగుతున్న నిర్మాణంలో కేవలం 26 శాతం ఫుట్ప్రింట్, 74 శాతం ఓపెన్ ల్యాండ్గా కొనసాగిస్తున్నామన్నారు. ఐజీబీసీ నియమాలకు లోబడి నిర్మాణాలు చేపడుతున్నట్లు, అధిక మొత్తంలో గ్రీనరీ అభివృద్ధికి చర్యలు తీసుకుంటున్నట్లు తెలిపారు. ఈ ప్రాజెక్ట్లో మొత్తం 3 బీహెచ్కేలు 1622 కాగా, 3.5 బీహెచ్కేలు 1248, 4 బీహెచ్కేలు 396లు అందుబాటులో ఉండగా, మార్చి 2023లో వచ్చిన రెరా అనుమతుల నాటి నుంచి ఇప్పటి వరకు 1280కి పైగా ముందస్తు బుకింగ్లు వచ్చాయన్నారు.
హానర్ సిగ్నాటిస్ వివరాలు..