Stock Market | రెండు లక్షల కోట్ల సంపద ఆవిరి.. భారీగా నష్టపోయిన స్టాక్‌ మార్కెట్లు

దేశీయ స్టాక్‌ మార్కెట్లు మళ్లీ నష్టాల్లోకి జారుకున్నాయి. టెలికం, క్యాపిటల్‌ గూడ్స్‌, టెక్నాలజీ రంగ షేర్లలో క్రయవిక్రయాలు అధికంగా జరగడంతో రికార్డు స్థాయిలో దూసుకుపోయిన సూచీలు అంతేస్థాయిలో వెనక్కితగ్గాయి. ఇంట్రాడేలో 75 వేల మార్క్‌ను అధిగమించిన 30 షేర్ల ఇండెక్స్‌ సూచీ సెన్సెక్స్‌ చివరకు 732.96 పాయింట్ల నష్టంతో 73,878.15 వద్ద స్థిరపడింది.

Stock Market | ముంబై, మే 3: దేశీయ స్టాక్‌ మార్కెట్లు మళ్లీ నష్టాల్లోకి జారుకున్నాయి. టెలికం, క్యాపిటల్‌ గూడ్స్‌, టెక్నాలజీ రంగ షేర్లలో క్రయవిక్రయాలు అధికంగా జరగడంతో రికార్డు స్థాయిలో దూసుకుపోయిన సూచీలు అంతేస్థాయిలో వెనక్కితగ్గాయి. ఇంట్రాడేలో 75 వేల మార్క్‌ను అధిగమించిన 30 షేర్ల ఇండెక్స్‌ సూచీ సెన్సెక్స్‌ చివరకు 732.96 పాయింట్ల నష్టంతో 73,878.15 వద్ద స్థిరపడింది. కనిష్ఠ స్థాయి నుంచి1,627 పాయింట్ల శ్రేణిలో సూచీ కదలాడింది. బ్లూచిప్‌ సంస్థలైన రిలయన్స్‌ ఇండస్ట్రీస్‌, ఎల్‌అండ్‌టీ, హెచ్‌డీఎఫ్‌సీ బ్యాంకులు మార్కెట్లను పడేశాయి. సూచీలో హెవీవెయిటేజ్‌ అయిన ఈ మూడు షేర్లు నష్టాల్లోకి జారుకోవడం సూచీలు నష్టపోవడానికి ప్రధాన కారణమని దలాల్‌స్ట్రీట్‌ వర్గాలు వెల్లడించాయి. ఒక దశలో చారిత్రక గరిష్ఠ స్థాయికి చేరుకున్న ఎన్‌ఎస్‌ఈ నిఫ్టీ 172.35 పాయింట్లు కోల్పోయి 22,475. 85 వద్ద స్థిరపడింది. దీంతో లక్షల కోట్ల మదుపరుల సంపద హారతి కర్పూరంలా కరిగిపోయింది. సూచీల్లో ప్రాఫి ట్‌ బుకింగ్‌ జరగడంతో బీఎస్‌ఈలో లిైస్టెన సంస్థల విలువ రూ.2, 25,543.41 కోట్లు కరిగిపోయి రూ.4,06,24,224. 49 కోట్లు(4.89 ట్రిలియన్‌ డాలర్లు) వద్ద నిలిచింది.

• ఎల్‌అండ్‌టీ, మారుతి, భారతీ ఎయిర్‌టెల్‌, నెస్లె, రిలయన్స్‌ షేర్లు రెండు శాతానికి పైగా కోల్పోయాయి.
• జేఎస్‌డబ్ల్యూ స్టీల్‌, కొటక్‌ బ్యాంక్‌, అల్ట్రాటెక్‌ సిమెంట్‌, ఏషియన్‌ పెయింట్‌, ఇండస్‌ఇండ్‌ బ్యాంక్‌, టాటా మోటర్స్‌, టెక్‌ మహీంద్రా, ఎన్‌టీపీసీలు ఒక్క శాతానికి పైగా నష్టపోయాయి.
• వీటితోపాటు టైటాన్‌, హెచ్‌డీఎఫ్‌సీ బ్యాం క్‌, హెచ్‌సీఎల్‌ టెక్‌, యాక్సిస్‌ బ్యాంక్‌, ఐటీసీ, టీసీఎస్‌, విప్రో షేర్లు తగ్గాయి.
• బజాజ్‌ఫైనాన్స్‌, బజాజ్‌ఫిన్‌సర్వ్‌, మహీం ద్రా, ఎస్బీఐ, ఐసీఐసీఐ బ్యాంక్‌, ఇన్ఫోసిస్‌ షేర్లు లాభాల్లో ముగిశాయి.
• రంగాలవారీగా చూస్తే టెలికమ్యూనికేషన్‌, రియల్టీ, సర్వీసులు, టెక్‌, కన్జ్యూమర్‌ డ్యూరబుల్‌, ఐటీ, కమోడిటీస్‌ షేర్లు నష్టపోగా..హెల్త్‌కేర్‌, మెటల్‌ రంగ షేర్లు లాభాల్లో ముగిశాయి.
• మొత్తంమీద ఈవారంలో సెన్సెక్స్‌ 147.99 పాయింట్లు, నిఫ్టీ 55.9 పాయింట్లు చొప్పున బలపడ్డాయి.