Elon Musk | స్పేస్ ఎక్స్ సంస్థ తీరుపైనా.. ఆ సంస్థ సీఈవో ఎలన్మస్క్ తీరుపై విమర్శలు చేసిన ఉద్యోగులు ఉద్వాసనకు గురయ్యారని సమాచారం. సంస్థ ఉద్యోగుల మధ్య గల ఇంటర్నల్ చాట్ సిస్టమ్లో టెస్లా యాజమాన్యం తీరు, ఎలన్మస్క్ తీరుపై బహిరంగ లేఖలో దుమ్మెత్తి పోశారు. ఆయన వైఖరి తమకు ఇబ్బందికరంగా మారిందని ఆరోపించారు. ఈ సంగతి తెలిసిన ఎలన్మస్క్.. వారిని ఉద్యోగాల నుంచి తొలగించారని సమాచారం. అర్థంతరంగా తమ తొలగింపుపై సీఈవో ఎలన్మస్క్ తీరు పట్ల ఉద్యోగులు ఆగ్రహం వ్యక్తం చేశారు. ఆయన వ్యవహార శైలి సరిగ్గా లేదని చెబుతున్నారు.
తమ ఉద్వాసనకు వ్యతిరేకంగా స్పేస్ ఎక్స్ ఉద్యోగులు నేషనల్ లేబర్ రిలేషన్ బోర్డు (ఎన్ఎల్ఆర్బీ)లో పిటిషన్ దాఖలు చేయొచ్చు. అలా పిటిషన్ దాఖలు చేస్తే యాజమాన్యం లేబర్ చట్టాన్ని ఉల్లంఘించిందని అపవాదు ఎదుర్కోవాల్సి వస్తుందని న్యాయ నిపుణులు చెబుతున్నారు. తొలగించిన ఉద్యోగుల పునః నియామకం, వారికి పరిహారం చెల్లించాల్సి వస్తుందంటున్నారు. కోర్టులో కేసు ఫైల్ అయితే.. ఉద్యోగులను అకస్మికంగా తొలగించడానికి కారణాలను స్పేస్ ఎక్స్ యాజమాన్యం వివరించాల్సి ఉంటుందని సీటెల్ యూనివర్సిటీ ప్రొఫెసర్ షార్లెట్ గార్డెన్ అన్నారు.
కానీ, ఎలన్మస్క్ను విమర్శించినందుకే ఉద్యోగులను తొలగించారన్న ఆరోపణలపై స్పేస్ ఎక్స్ యాజమాన్యం స్పందించలేదు. కానీ.. మస్క్ తీరును ఖండించిన ఉద్యోగులను స్పేస్ ఎక్స్ ప్రెసిడెంట్ గ్విన్ షాట్వెల్ తొలగించారని సమాచారం.