Reddit | రెడ్డిట్‌లో లేఆఫ్స్‌.. 5 శాతం ఉద్యోగుల్ని తొలగించేందుకు సిద్ధమైన సంస్థ

Reddit | ఖర్చు తగ్గింపు ప్రణాళికలో భాగంగా ప్రపంచ వ్యాప్తంగా ఉన్న టెక్‌ కంపెనీలన్నీ తమ ఉద్యోగుల్ని ఇంటికి పంపించేస్తున్నాయి. తాజాగా ప్రముఖ సోషల్‌ మీడియా ప్లాట్‌ఫామ్‌ రెడ్డిట్‌ (Reddit) కూడా ఉద్యోగుల (employees) తొలగింపుకు సిద్ధమైంది.

Reddit | ఖర్చు తగ్గింపు ప్రణాళికలో భాగంగా ప్రపంచ వ్యాప్తంగా ఉన్న టెక్‌ కంపెనీలన్నీ తమ ఉద్యోగుల్ని ఇంటికి పంపించేస్తున్నాయి. అమెజాన్‌, మెటా, మైక్రోసాఫ్ట్, ట్విట్టర్‌ వంటి కంపెనీలన్నీ వేలాది మంది ఉద్యోగుల్ని ఉన్నపలంగా పీకేశాయి. తాజాగా ప్రముఖ సోషల్‌ మీడియా ప్లాట్‌ఫామ్‌ రెడ్డిట్‌ (Reddit) కూడా ఉద్యోగుల (employees) తొలగింపుకు సిద్ధమైంది.

ప్రముఖ వార్తా సంస్థ రాయిటర్స్‌ నివేదిక ప్రకారం.. ప్రస్తుతం రెడ్డిట్‌ ప్రపంచ వ్యాప్తంగా 2,000 మంది ఉద్యోగుల్ని కలిగిఉంది. అందులో దాదాపు 5 శాతం ఉద్యోగులకు ఉద్వాసన పలకనున్నట్లు (lay off) తెలుస్తోంది. కంపెనీ నిర్ణయంతో 90 మందిపై లేఆఫ్స్‌ (Lay Offs) ప్రభావం పడనుంది. ఇదే విషయాన్ని కంపెనీ సీఈవో స్టీవ్‌ హుఫ్‌మన్‌ (Steve Huffman) తమ ఉద్యోగులకు ఈమెయిల్‌ ద్వారా తెలియజేశారు.

ఇదే సమయంలో నూతనంగా నియమించుకునే సిబ్బందిని కూడా గణనీయంగా తగ్గించుకోవాలని సంస్థ భావిస్తోంది. ఇందులో భాగంగానే మొదట 300 మంది కొత్తవాళ్లను నియమించుకోవాలని లక్ష్యంగా పెట్టుకున్నప్పటికీ.. ఇప్పుడు ఆ సంఖ్యను 100కే పరిమితం చేసింది.

Also Read..

Odisha Train Accident | ఒడిశా రైలు ప్రమాద బాధితులకు కోహ్లీ, రోహిత్‌ భారీ విరాళం..? నెట్టింట వైరలవుతున్న న్యూస్‌

Tractor Crushes Car | కారుపైకి దూసుకెళ్లిన ట్రాక్టర్‌.. షాకింగ్‌ వీడియో

Train | రైల్వే గేట్‌ను ఢీకొన్న ట్రాక్టర్‌.. న్యూఢిల్లీ-భువనేశ్వర్‌ రాజధాని ఎక్స్‌ప్రెస్‌కు తప్పిన పెను ప్రమాదం