RERA | బిల్డాక్స్‌తో తస్మాత్‌ జాగ్రత్త.. ఆ ప్రాజెక్టులకు అనుమతులు లేవన్న రెరా

ప్రముఖ రియల్‌ ఎస్టేట్‌ సంస్థ బిల్డాక్స్‌తో తస్మాత్‌ జాగ్రత్త అని రెరా హెచ్చరించింది. హైదరాబాద్‌లోని గుండ్లపోచంపల్లి వద్ద నిర్మిస్తున్న ప్రాజెక్టుకు మాత్రమే అనుమతులు ఉన్నాయని, మిగిలిన ప్రాంతాల్లో నిర్మిస్తున్న ప్రాజెక్టులకు ఎలాంటి అనుమతులు లేవని రెరా ఒక ప్రకటనలో హెచ్చరించింది.

RERA | హైదరాబాద్‌, మార్చి 7 (నమస్తే తెలంగాణ): ప్రముఖ రియల్‌ ఎస్టేట్‌ సంస్థ బిల్డాక్స్‌తో తస్మాత్‌ జాగ్రత్త అని రెరా హెచ్చరించింది. హైదరాబాద్‌లోని గుండ్లపోచంపల్లి వద్ద నిర్మిస్తున్న ప్రాజెక్టుకు మాత్రమే అనుమతులు ఉన్నాయని, మిగిలిన ప్రాంతాల్లో నిర్మిస్తున్న ప్రాజెక్టులకు ఎలాంటి అనుమతులు లేవని రెరా ఒక ప్రకటనలో హెచ్చరించింది.

ఇలాంటి ప్రాజెక్టులలో కొనుగోళ్లు జరపకూడదని హెచ్చరించింది. ఒక్క ప్రాజెక్టుతోపాటు ఇతర ప్రాంతాల్లో కూడా విక్రయాలు చేస్తున్నట్లుగా తమ దృష్టికి వచ్చిందని వివరించింది. బిల్డాక్స్‌ సంస్థ హఫీజ్‌పేటలోని సర్వే నంబర్‌ 80లో గల స్థలంలో ప్లాట్లలో అమ్మకాలు నిర్వహిస్తున్నట్లు దరఖాస్తుదారు ఫిర్యాదు మేరకు ఈ నెల 6,7 తేదిల్లో బిల్డాక్స్‌ ప్రతినిధులు, ఫిర్యాదుదారులను రెరా అధికారులు విచారించారు.

ఈ ఆరోపణలు నిరాధారమైనవని కంపెనీ ప్రతినిధులు వెల్లడించగా..ఫిర్యాదుదారుడు మాత్రం కొండాపూర్‌లోని హఫీజ్‌పేటలో గల బిల్డాక్స్‌ కంపెనీలో తాను కొనుగోలు చేసిన రశీదును సమర్పించినట్లు రెరా ఒక ప్రకటనలో వెల్లడించింది. కేవలం భువి, వాసవి బురిడాక్స్‌ ప్రాజెక్టు పేరుతో మాత్రమే గుండ్లపోచంపల్లి(సర్వే నంబర్‌ 509/పీఏఆర్‌డీ)లో పీవో 2200007044 నంబర్‌తో రెరా రిజిస్ట్రేషన్‌ కలిగివున్నది. ఇతర ప్రాంతాల్లో కంపెనీకి ఎలాంటి అనుమతులు లేవని, ఆ ప్రాజెక్టులలో ఎలాంటి కొనుగోలు చేయవద్దని రెరా కార్యదర్శి తెలిపారు.