iPhone 15 Pre-booking | ఐ-ఫోన్ 15 సిరీస్ ఫోన్ల ప్రీ బుకింగ్స్ ప్రారంభం..!

iPhone 15 Pre-booking | ఆపిల్ ఐఫోన్-15 సిరీస్ ఫోన్ల కోసం ప్రీ-బుకింగ్స్ శుక్రవారం ప్రారంభం అయ్యాయి.

iPhone 15 Pre-booking | ఆపిల్ ఐ-ఫోన్ 15 సిరీస్ ఫోన్ల ప్రీ బుకింగ్స్ శుక్రవారం ప్రారంభం అయ్యాయి. ఈ నెల 22 నుంచి ఐ-ఫోన్ 15 సిరీస్ ఫోన్లు ఆపిల్ వెబ్‌సైట్‌లో లభిస్తాయి. ఈ నెల 12న కాలిఫోర్నియాలోని ఆపిల్ పార్క్‌లో వండర్ లస్ట్ పేరిట నిర్వహించిన కార్యక్రమంలో ఆపిల్ యాజమాన్యం.. వాచ్ సిరీస్9, వాచ్ ఆల్ట్రా2, ఐ-ఫోన్ 15 సిరీస్ ఫోన్లను ఆవిష్కరించిన సంగతి తెలిసిందే. ఐ-ఫోన్ 15 సిరీస్ ఫోన్లు రూ.79,990 నుంచి అందుబాటులో ఉంటాయి. ఇంతకుముందు లైటెనింగ్ పోర్ట్‌తో మార్కెట్లోకి వచ్చిన ఆపిల్ ఉత్పత్తులు ఈ దఫా యూఎస్బీ టైప్-సీ పోర్ట్‌తో వస్తున్నాయి.

ఆపిల్ ఐ-ఫోన్ 15 ఫోన్ 48 మెగా పిక్సెల్ సెన్సర్ మెయిన్ కెమెరాతో వస్తున్నది. ఐ-ఫోన్ 15, ఐ-ఫోన్ 15 ప్లస్ ఫోన్లలో ఏ16 బయోనిక్ చిప్, ఐ-ఫోన్ 15 ప్రో, ఐ-ఫోన్ 15 ప్రో మ్యాక్స్ ఫోన్లలో ఏ17 బయోనిక్ చిప్ వినియోగించారు. ఐ-ఫోన్ 15 ప్రో, ఐ-ఫోన్ 15 ప్రో మ్యాక్స్ ఫోన్లలో టైటానియం వాడారు.

ఇప్పటికే ఆపిల్ వాచ్ స్మార్ 9 సిరీస్, వాచ్ ఆల్ట్రా 2 వాచీల కోసం ప్రీ ఆర్డర్లు ప్రారంభించారు. ఇవి కూడా ఈ నెల 22 నుంచి లభిస్తాయి. సెకండ్ జనరేషన్ ఎయిర్ పాడ్స్ విత్ టైప్-సీ పోర్ట్‌తో సొంతం చేసుకోవచ్చు.